Baki Şəhər Yasamal Rayon Məhkəməsinə
İddiaçı: Neftçilərin Hüquqların Müdafiə Təşkilatı İçtimai Birliyi
Ünvan: Baki şəhəri Şəmsi Badəlbəyli küçəsi 38
Tel. 494 33 76, 050 220 27 52
Javabdeh: «Azərsu» ASJ
Ünvan: Baki şəhəri. Tbilisi prospekti 67. Tel: 498 38 14
« İnformasiya sorğusunun məcburi qaydada təmin olunması barədə»
İddia ərizəsi
Neftçilərin Hüquqlarının Müdafiə Təşkilatı İçtimai Birliyi (NHMT İB) Azərbaycan Respublikası Konstitusiysının 50 və 57 – ci maddələrini, habelə «İnformasiya əldə etmək haqqında Azərbaycan Respublikası Qanununun 2.2 -ci maddəsini rəhbər tutaraq «Azərsu» ASJ – nə informasiya sorğusu göndərmişdir. İnformasiya sorğuları 23. 04. 2007 -ci il və 08 iyun 2007 -ci il tarixilərində «İnformasiya əldə etmək haqqında» Azərbaycan Respublikası Qanunun 13.1.2 – ci maddəsinin tələblərinə əməl edilməklə yazılı şəkildə tərtib edilmiş və qöstərilən tarixlərdə təcili poçt vasitəsi ilə « Azərsu» ASJ – nə göndərilmişdir.
İnformasiya sorğusuna əsasən NHMT İB tərəfindən «GLOBAL QREEN QRANTS FUND» fondunun maliyyə dəstəyi ilə Asiya İnkişaf Bankının ayırdığı kredit hesabına reallaşması nəzərdə tutulan «Göyçay, Ağdaş, Naxçıvan şəhərlərinin su təchizatı və kanalizasiya sisteminin yenidən qurulması lahiyəsinin monitorinq və nəticələrin içtimai müzakirəsi» layihəsinin həyata keçirilməsi ilə əlaqədər 17 suala cavab verilməsi xahiş olunur. İlk müraciətin təqdim olunduğu gündən iki ay yarım müddət keçmisinə baxmayaraq cavabdeh təşkilat tərəfindən təqdim olunmuş suallara cavab ala bilmirik.
«İnformasiya əldə etmək haqqında» Azərbaycan Respublikası Qanununa əsasən informasiya sahibi 7 iş günü ərzində suallara cavab verməlidir. Göstərilən qanunun 25 -ci maddəsinin 1 -ci bəndinə əsasən informasiya sahibi informasiya sorğusunu 7 gün uzada bilər, lakin bu zaman o sorğuçuya 5 gün ərzində əsaslandırılmış məlumat təqdim etməlidir.
«İnformasiya əldə etmək haqqında Azərbaycan Respublikası Qanunun 20.1 – ci maddəsinə əsasən, informasiya sahibi informasiya sorğusunu aldıqdan sonra informasiya sorğusundan imtina edə bilər (20.1.1 -ci maddə), sorğunun icrasının təmin olunması ( 20.1.2 – ci maddə), və ya sorğunun aidiyyatı üzrə informasiya sahibinə qöndərilməsi (20.1.3 -cü maddə) kimi hərəkətlərdən birini həyata keçirməyə borclu idi. Lakin informasiya sahibi qanunda nəzərdə tutulan bu hərəkətlərdən keçən 2 ay yarım müddət ərzində heç birini etməmiş və beləliklə də «İnformasiya əldə etmək haqqında» qanunun 10 -cu maddəsinin pozaraq sorğuçuya etinasızlıq qöstərmişdir.
Yuxarıda göstərilənləri « İnformasiya əldə etmək haqqında» Azərbaycan Respublikası Qanununun 49.1 -ci maddəsini və Azəbaycan Respublikası Mülki Prosessual Məcəlləsinin 296 – 298 – cü msaddələrini əsas tutaraq
Xahiş Edirik:
«Azərsu» ASJ – nə təqdim olunmuş informasiya sorğusunun məcburi qaydada təmin olunması barədə qətnamə qəbul edəsiniz.
Əlavə edilir.
1. İddia Ərizəsinin sürəti – 1 nüsxə
2. İnformasiya sorğuların sürəti – 1 nüsxə (8 vərəq)
3. Dövlət Rüsumunun ödənilməsi barədə Qəbz
4. Etirbarnamə
İmza:
Neftçilərin Hüquqlarını Müdafiə Təşkilatına sədri M. Qəhrəmanova
Nümayəndəsi: A. Quliyev
Tarix: 5. 07. 2007 – ci il