“İnformasiyanın əldə olunmasında şəffaflıq”

Aparıcının ölkəmizdə “İnformasiyanın əldə olunmasında şəffaflıq qənaətbəxşdirmi?” sualına cavab olaraq, Osman Gündüz qeyd etdi ki, bu gün ölkəmizdə bu sahə üzrə qanun mükəmməldir, lakin qanunun mükəmməl olması onun icrasının da yüksək səviyyədə olduğu demək deyildir. Bü gun Azərbaycanda “İnformasiyanın əldə edilməsi” haqqında qanunun icra səviyyəsi çox zəifdir. Bu sahədə çoxsaylı monitorinqlər aparılıb. Bu istiqamətdə müsbət addımlar var. Əksər qurumlarda internet resursları yaradılıb. Bu sahədə informasiya infrastrukturlarının yaradılması zəruridir. Əksər qurumların veb- saytlarında vətəndaşlara lazım olan məlumatlar yox, qurumların istədiyi məlumatlar yerləşdirilib.
Eyni suala cavab olaraq Rüfət Gülməmmədov bildirdi ki, hər bir vətəndaşın almalı olduğu məlumat ona 7-15 gün ərzində çatdırılmalıdır. Hal-hazırda qurumların əksəriyyətinin veb-saytları vardır və onlar 34 adda məlumatı saytda tam açıqlamalıdırlar.

Aparıcının növbəti “Qurumların saytlarında əsasən hansı məlumatlar gizlədilir və yaxud heç açıqlanmır?” sualına Osman Gündüz cavab verərək bildirdi ki, bu gün saytlarda tenderlər, dövlət alqı-satqıları, müsabiqələr, büdcə, onun icrası və xidmətlər üzrə məlumatlar yox dərəcəsindədir. Toplantılar haqqında əvvəldən məlumat verilməlidir, amma heç toplantılardan sonra da məlumat verilmir.

Nazirlər Kabineti, Bakı Şəhər İcra Hakimiyyətində heç bir məlumat verilmir. Əksər qurumlarda isə informasiya istehsalı zəifdir. Kağız halında məlumatlar mövcud olduğu halda onlar elektron versiyaya keçirilmir. Rüfət Gülməmmədov qeyd etdi ki, Rabitə və İnformasiya Texnologiyaları nazirliyinin saytında 34 növ məlumat mövcuddur.

Bu sahədə şəffaflığa nə mane olur? Bu suala Rüfət Gülməmmədov cavab verdi ki, ölkəmizdə hələ informasiya cəmiyyəti zəifdir və təzə-təzə formalaşmaqdadır.