Dövlət Neft Fondunun www.oilfund.az domen adlı internet saytının təkmilləşdirilməsi ilə bağlı TÖVSİYƏLƏR

Azərbaycan Respublikası Dövlət Neft Fondunun www.oilfund.az ünvanlı İnternet saytı, icmal hissədə də qeyd etdiyimiz kimi, dizayn formasına və sayta giriş rahatlığına görə digər saytlardan fərqlənir. Saytın daha dolğun və daha təkmil olması üçün edilən cəhdlər diqqətəlayiqdir. Qurumun saytında Neft Fondunun tarixi, rəhbərləri və kollegiya haqqında məlumatlar yer alıb. Dövlət qurumunun fəaliyyətini həyata keçirmək üçün qanunverici baza-əsasnamə və təlimatlar da saytda yer alıb. Dövlət qurumunun yerləşdiyi ünvan, ünvanın marşrut sxemi, ünvana getmək üçün ictimai nəqliyyat vasitələri, mümkün olan bütün e-poçt ünvanları, telefon və faks nömrələri, həm ümumi, həm də ayrı-ayrı xidmətlərin əlaqə vasitələri, qurumun strukturu, əsas rəhbərin və onun müavinlərinin bioqrafik məlumatları saytda yer alıb. Qurumun mətbuat üçün açıqlamaları və onların tezliyi, qurumdaxili əmrlər və qərarlar, dövlət qurumunun rəhbəri ilə əks-əlaqə forması təqdim edilib. Qurumun büdcəsi və onun icrası, həmçinin büdcədənkənar daxilolmalar haqda da bilgi verilib. Qurumun təklif etməli olduğu mütləq xidmətlər, onlayn müraciət imkanı, xidmətlərdən istifadə qaydaları da göstərilib. Boş iş yerləri haqda elanlar, işə qəbulun norma və qaydaları da saytda öz əksini tapır. Dövlət qurumu tərəfindən tender və yarışmaların keçirilmə qaydaları, tender və yarışmaların elanları da təqdim edilən bilgilərdəndir. Qurumun cari norma yaratma fəaliyyəti, bütün mümkün normativ aktların fəaliyyəti haqqında məlumat da verilir. Qurumun saytı internet resurslarının qaydalarına uyğundur, axtarış sistemi fəaliyyətdədir, əks-əlaqə üçün onlayn forması və sosial şəbəkələrdə səhifələri mövcuddur. Saytın istifadəsi rahatdır. Qurumun saytında boş sahələr də vardır ki, bu sahələr dolğunlaşdırılsa, bu internet resursu mükəmməl hesab etmək olar. Bura  sahə işçilərinin əmək haqqı, vətəndaşların qəbul günləri, qaynar xətt  bölmələri daxildir.

Bunu nəzərə alaraq aşağıda bu yöndə bəzi tövsiyələrimizi təqdim edirik:

1. Qurumun saytında Neft Fondunun tarixi, rəhbərləri və kollegiya haqqında məlumatlar yer alıb. Dövlət qurumunun fəaliyyətini həyata keçirmək üçün qanunverici baza-əsasnamə və təlimatlar da saytda var.  Bu üzdən əlavə tövsiyəyə gərək yoxdur.
2. Ziyarətçilərin qurum ilə əlaqə saxlaması üçün ümumi imkanlar (qurumun yerləşdiyi ünvan, həmin ünvanın xəritəsi, telefon- faks nömrələri ) təqdim edilir. Qurumun marşrut sxemi və gəlmək üçün ictimai nəqliyyat haqqında bilgilər çox yaxşı verilmişdir. Bütün mümkün e-poçt ünvanları da göstərilib. Bu sahədə də əlavə tövsiyə verilmir.
3. Qurumun strukturunun ümumi sxemi və alt qurumlar haqqında bilgilər təqdim olunur. Həmçinin, aparat, qurumun alt bölmələri və struktur bölmələrinin rəhbərləri və onlarla əlaqə saxlamaq üçün imkanlar,  həmçinin, struktur bölmələrinin tam ünvanları da təqdim edilir. Burada da əlavə tövsiyə verilmir.
4. Rəhbər və rəhbər işçilər, onlarla əks əlaqə, əsas rəhbərin bioqrafiyası təqdim edilir. Dövlət qurumunun rəhbəri ilə əks- əlaqə imkanları, struktur rəhbərləri ilə əlaqə vasitələri də təqdim edilir. Struktur bölmələrinin rəhbərləri haqqında bioqrafik bilgilər verilib.  Bu sahədə də əlavə tövsiyəyə ehtiyac yoxdur.
5. Qurumun cari fəaliyyəti haqqında  informasiyalar yetərli sayıla biləcək qədərdir.  Yəni, qurumdaxili əmrlər və qərarlar təqdim edilir. Dövlət qurumunun həyata keçirdiyi proqram və layihələr haqda da məlumatlar göstərilib. Həmçinin, mətbuat üçün açıqlamalar və onların tezliyi də saytda öz əksini tapır. Bu sahədə də əlavə tövsiyə verilmir.
6. Ümumi dövlət büdcəsinin quruma aid hissəsi və onun icrası haqqında bilgilər saytda əks etdirilmişdir. Bundan başqa, büdcədənkənar daxilolmalar haqda da məlumatlara rast gəlinir. Bu bölmədə də əlavə tövsiyə yoxdur.
7. Qurum tərəfindən təklif edilən mütləq xidmətlər, elektron formada təklif olunan xidmətlər, xidmətlərin keyfiyyət göstəriciləri, onlayn müraciət imkanı mövcuddur. Lakin qaynar xətt yoxdur. Burada çatışmayan qaynar xəttin qoyulması tövsiyə olunur.
8. İşə qəbul qaydaları və boş iş yerləri haqqında, işə qəbulun norma və qaydaları barədə dolğun bilgilər təqdim edilir. İşə qəbulla bağlı komissiyalar haqqında,  dövlət qurumu və onun struktur bölmələrindəki mövcud boş iş yerləri haqqında elanlar təqdim olunmuşdur. Bu sahədə əlavə tövsiyə verilmir.
9. Sahə işçilərinin əmək haqları barədə heç bir bilgiyə rast gəlinmir. Bu sahənun dolğunlaşmasına gərək var.
10.  Qurumun ayrı-ayrı vəzifəli şəxsləri tərəfindən vətəndaşların qəbul günləri və saatları haqqında heç bir bilgiyə rast gəlinmir. Dövlət qulluqçusunun etika qaydaları haqqında bilgilər isə saytda yer almışdır. Yaxşı olardı ki, bu sahə zənginləşdiriləydi.
11.  Tender və yarışmaların keçirilməsi ilə bağlı bütün mümkün qayda və elanlar təqdim edilib. Həmçinin qurum tərəfindən tender və yarışmaların keçirilməsi qaydaları da izah olunur. Hətta bu elanların arxivi və tender və yarışmaların nəticələri də göstərilir. Burada çatışmayan bilgilər tender və yarışmaların nəticələri ilə bağlı mübahisələrin həlli qaydaları barədədir. Bu sahəni də dolğun saymaq olar. Lakin çatışmayan bilginin də təqdim edilməsi yaxşı olardı.
12.  Növbəti təqdim edilən bilgi qurumun norma-(qanun) yaratma fəaliyyəti haqqındadır. Burada bütün mümkün normativ aktların layihələri öz əksini tapır. Bu sahədə də əlavə tövsiyə yoxdur.
13.  Saytın texniki imkanları yaxşı dəyərləndirilir. Əks əlaqə üçün onlayn forma təklif edilir. Dövlət qurumunun sosial şəbəkələrdən (fasebook və tvitter) səhifələri mövcuddur. Həmçinin, abunə imkanı var və axtarış sistemi fəaliyyət göstərir. Domen rahatllığı, istifadə rahatlığı var.  Bu üzdən də əlavə tövsiyə yoxdur.