Şamaxı Rayon İcra Hakimiyyəti www.shamaxi-ih.gov.az domen adlı İnternet saytının monitorinqinin yekunu /İCMAL/

Azərbaycan Respublikası Şamaxı Rayon İcra Hakimiyyəti  www.shamaxi-ih.gov.az İnternet resursudur standart icra orqanı saytı formasındadır. Saytın istifadəsi rahat, görünüşü normaldır. Bütün bölmələrdəki informasiyalar standart formada və ölçüdədir.  Əhali, coğrafi mövqe bölmələrindəki informasiya nisbətən az, poçt və rabitə bölməsi isə boşdur. Xəbərlər bölməsindəki informasiyalar da ara köhnədir. İnternet resursunda keçən ildən bu ilə heç bir yenilik yoxdur. Yenilik kimi saytda təkcə vətəndaşların On-Line qəbula yazılma imkanının olmasıdıır. Etik davranışlar bölməsində də məlumatlar var, amma orada vacib olan görülən işlər keçidi var, amma təəssüf ki, boşdur. Saytdan sosial şəbəkələrə də çıxış yoxdur.

Beləliklə, Şamaxı Rayon İcra Hakimiyyəti saytinın ümumi mənzərəsi aşağıdakı kimidir:

1.  Rayonun tarixi, iqtisadiyyatı, təhsili, səhiyyəsi, mədəniyyəti, idmanı haqqındakı bilgilərı kafi qiymətləndirmək olar. Qurum, qurumun rəhbəri haqqında verilmiş  məlumatlar isə qənaətbəxş hesab oluna bilməz. Qurumun tarixi, quruma daha öncə başçılıq etmiş şəxslər barədə məlumat, qurumunun fəaliyyətini təmin edən qanunverici baza, qurumun səlahiyyət çərçivələri barədə də saytda məlumat verilmir.

2.  Ziyarətçilərin əks əlaqəsi üçün qurumun ünvanı, telefon və faks nömrəsi, e-poçt ünvanı verilsə də, birbaşa əhalini qəbul edəcək rəhbər işçilərin telefon nömrələri saytda öz əksini tapmayıb. Sadəcə qəbul günləri və qəbul saatları göstərilir. Quruma başqa yerlərdən getmək üçün marşrut və ictimai nəqliyyat haqqında məlumatlara da rast gəlinmir.

3.  Saytda qurumun strukturu, şura haqqında sxem və müavinlər haqqında mə­lumatlar var, amma onlarla əlaqə nəmrələri yoxdur. Struktur bölmələrinin səlahiyyət çərçivələri, qurumun tabeli­yindəki informasiya sistemləri haqqında da məlumatlar saytda öz əksini tapmır.

4.  Qurumun rəhbəri haqqında az da olsa informasiya var, amma struktur bölmələrinin rəhbərləri haqqında isə informasiya yoxdur. Onlarla əks əlaqə imkanları haqqında da bilgilər təqdim edilir. Bütün mümkün struktur bölmələrinin rəhbərləri haqqında bioqrafik bilgilər də yoxdur.

5.  Cari informasiyalar baxımından da saytı kafi qiymətləndirmək olmaz. Informasiyalar köhnədir. Sonuncu informasiya mayın 31-nə aiddir. Qurumdaxili əmr və qərarlar, bu cür aktların reyestri (qəbul və qüvvəyə minmə tarixi də daxil olmaqla) və dövlət qurumunun həyata keçirdiyi proqram və layihələr barədə də heç bir bilgi təqdim edilmir.

6.   Saytda qurumun büdcəsi, büdcənin  icrası haqqında,  büdcədənkənar daxil­olmalar və onların istiqamətləri haqda informasiyalara da rast gəlmək olmur, amma subsidiya alanlar (2013, 2014-cü illər) barədə məlumat var.

7.  Qurumun təklif etməli olduğu mütləq və əlavə xidmətlər  haqqında da heç bir bilgi yoxdur. Burada yalnız onlayn müraciət imkanı təqdim edilir.

8.   Boş iş yerləri və işə qəbulla bağlı (qurum və onun struktur böl­mələrinə işə qəbulun hüquqi bazası, işə qəbulun norma və qaydaları,  işə qəbulla bağlı komissiyalar haqqında, qurum  və onun struktur bölmələrindəki mövcud boş iş yerləri haqqında elanlar və elanların arxivi) məlumatlar da təqdim edilməyən bilgilər sırasındadır.

9.   Qurumun işçilərinin əmək haqları ilə bağlı heç bir məlumat verilmir.

10.  Vətəndaşların qəbulu ilə bağlı yalnız rəhbər və ayrı-ayrı vəzifəli şəxsləri tərəfindən vətəndaşların sadəcə qəbul günləri və  qəbul saatları barədə bilgilər var. Burada nə vəzifəli şəxslərin əlaqə nömrələri, nə onlar tərəfindən vətəndaşların qəbul norma və qaydaları, nə də qurumda vətəndaşların qəbul qaydaları haqqında bilgilər təqdim edilmir.

11.  Tender və yarışmalar haqqında hər hansı bilgiyə rast gəlinmir.

12.  Saytın texniki imkanları normal səviyyədədir. Onlayn müraciət forması təqdim olunsa da,  abunə imkanı yoxdur.