İnformasiya Azadlığının İnkişafı Koalisiyasının Məlumatı

İnformasiya Azadlığının İnkişafı Koalisiyasının
Məlumatı

Məlum olduğu kimi Koalisiya  tərəfindən aparılan dövlət  orqanlarının internet resurslarının Monitorinqinin 1-ci  mərhələsi  yekunlaşıb.

Monitorinqin nəticələri ictimaiyyət  arasında  geniş  rezonansa doğurub. Eyni  zamanda  dövlət orqanlarının rəsmi  saytlara  qarşı diqqətinin kifayət  qədər  artdığı  müşahidə olunur.  Bir sıra  dövlət  qurumlarında   İnternet resursların  tamamilə yenidən qurulmasına  start  verilib.  Yeni rəsmi  saytlar fəaliyyətə   başlayıb. Azərbaycan Respublikası Prezidentinin  saytının yeni  versiyası  fəaliyyətə  başlayıb. Yeni İnternet  Resurs  informasiya  bolluğuna  və   saytın imkanlarına  görə  əvvəlkindən  xeyli dərəcədə  fərqlidir.

Milli Məclisin,  Tarif  Şurasının, Mədəniyyət  və Turizm Nazirliyinin, Müdafiə Nazirliyinin, Baş Prokurorluğun və digər  qurumların rəsmi  internet resurslarının yenidən qurulması istiqamətində iş aparıldığı bildirilir.
 
Hazırda Koalisiya tərəfindən Monitorinqin növbəti  Mərhələlisinə hazırlıq prosesi gedir
Bu  məqsədlə Monitorinqin Metodikası təkmilləşdirilir. İnformasiyanın daha dəqiq  qiymətləndirilməsi kriteriyalarının hazırlanması üzərində iş  aparılır. Bu  məqsədlə  ekspertlərlə məsləhətləşmələr  aparılır  və  AMEA İnformasiya Texnologiyaları İnstitutu ilə birgə  tədbirlərin ,  müzakirələrin keçirilməsi  nəzərdə tutulur.

Eyni zamanda  Koalisiya  tərəfindən Bələdiyyələrin internet resurslarının yaradılması istiqamətində işlər  davam etdirlir və   Bələdiyyələrdə informasia daha effektiv qurulması istiqamətində Treninqlər keçirilir.

Eyni zamanda  bu  mərhələdə  Monitorinq olunacaq  rəsmi dövlət saytların  siyahıları  dəqiqləşdirilir.

Monitorinqin Metodikasının təkmilləşdirilməsi istiqamətində Təkliflərinizi info@informasiya.org  ünvanına  göndərməyi  xahiş edirik  və təkliflərə  görə öncədən minnətdarlığımızı  bildiririk.

İnformasiya Azadlığının İnkişafı
Koalisiyasının