Dövlət orqanlarının rəsmi internet resurslarının monitorinqinin 2-ci mərhələsi başlanıb

26.12.2007

Multimedia
İnformasiya Sistemləri  və Texnologiyaları
Mərkəzinin

 Məlumatı
   

   Xəbər verildiyi kimi  “İnformasiya  Azadlığının İnkişafı” Koalisiyası tərəfindən “Vətəndaşların informasiya  azadlığının gerçəkləşməsinə  dəstək” Layihəsi  çərçivəsində “Dövlət orqanlarının rəsmi internet resurslarının monitorinqinin 2-ci mərhələsi başlanıb.
    Dövlət  qurumlarının informasiya açıqlığı  vəziyyətini müəyyən etmək üçün aparılan Monitorinq ölkə qanunvericiliyi  və  beynəlxalq  təcrübə nəzərə  alınmaqla Koalisiya  tərəfindən hazırlanan Metodika əsasında  gerçəkləşdirilir.  
    Metodikada dövlət  qurumlarının rəsmi İnternet  resurslarında yerləşdirilən informasiyaların kəmiyyət  və keyfiyyət  cəhətdən  analiz  edilməsi  və qiymətləndirilməsi nəzərdə tutulub.  
    2008-ci ilin may  ayında  başa  çatması nəzərdə tutulan Monitorinq əsasında ayrı-ayrı dövlət saytları  üzrə  icmal  və tövsiyələrin hazırlanması, informasiya  açıqlığı üzrə Reytinq  Cədvəlinin və Yekun Hesabatın hazırlanması nəzərdə tutulub.
    Bu mərhələdə keçiriləcək Monitorinq prosesində 50  dövlət  qurumunun  rəsmi internet resursunun informasiya açıqlığı vəziyyətinin araşdırılması nəzərdə tutulub.
   “Dövlət orqanlarının internet resurslarının monitorinqi ilə  bağlı  daha  geniş məlumatla  www.informasiya.org saytında  tanış olmaq olar.
    Layihə  Counterpart İnternasional təşkilatı  tərəfindən  dəstəklənib.
                                                                     
Multimedia Mərkəzi     
Tel: 492 44 44 
www.informasiya.org
info@informasiya.org