Aparılan monitoringin nəticələrindən də göründüyü kimi Azərbaycan Respublikası Xarici İşlər Nazirliyinin www.mfa.gov.az ünvanındakı İnternet resursunda “İnformasiya əldə etmək haqqında” qanunda nəzərdə tutulan informasiyaların tam olaraq yalnız bir neçəsi yerləşdirilib. Təbii olaraq saytda qanunda nəzərdə tutulmayan bəzi informasiyalar da yer alıb. Bununla belə saytı zəngin, və ya dolğun adlandıra bilmək üçün heç bir tutarqa yoxdur. Ancaq bəzi tövsiyələr irəli sürmək mümkündür:
1. Saytın ana səhifəsində ümumi olaraq əlaqə vasitələri göstərilsə də əlavə və xüsusi nəzərə çarpacaq şəkildə ictimai əlaqələrə məsul struktur bölməsi, yaxud da vəzifəli şəxslə birbaşa əlaqə vasitələri də verilsə çox yaxşı olardı.
2. Saytda nazirliyin rəsmi açıqlamalarının yer alması müsbət hal kimi qeyd edilə bilərsə də həmin sənədlərin başlıqlarına yeni yanaşma tətbiq etmək lazımdır. Yəni konkret bir bəyanatı sadəcə “XİN-in bəyanatı” başlığı altında deyil, hansı məsələ ilə bağlı olduğunu bildirən başlıqla vermək ziyarətçilərin işini xeyli yüngülləşdirmiş olardı.
3. Saytın xüsusən də ingilis dilli versiyasının tez bir zamanda tam dolğun şəkildə istifadəçilərin ixtiyarına verilməsi olduqca zəruridir.
4. Nəzərə alaraq ki, saytda xüsusilə Azərbaycanın ən ciddi problemlərindən olan Ermənistanın işğalı ilə bağlı bir sıra vacib sənədlər yerləşdirilib, onda axtarış qutusunu sahmana salmaq da zəruri tədbirlərdən biridir.
5. Boş menyuların uzun meüddətdən bəri yeniləşdirilməsi , yyğun informasiyaların satya qoyulmaması ciddi qüsur hesab oluna bilər
6. Dövlət satınalmaları , Tenderlər , qrantlar haqqında məlumatların saytda yerləşdirilməsi faydalı olardır.
7. Müxtəli xidmətlərin elektron formada təklif edilməsi , sorğuların və təkliflərin icmalların saytda yerləşdirilməsi xeyli faydalı olardı
8. Ümumiyyətlə saytın mövcud qanunvericiliyin tələblərinə uyğunlaşdırılması üçün ciddi surətdə təkmilləşdirilməsinə ehtiyac var.