Xocalı Rayon İcra Hakimiyyəti www.xocali-ih.gov.az domen adlı İnternet saytının monitorinqinin yekunu /İCMAL/

Azərbaycan Respublikası Xocalı Rayon İcra Hakimiyyəti  www.xocali-ih.gov.az İnternet resursunun görünüşü normal, istifadəsi də rahatdır. Bir çox bölmələrindən rayon haqqında məlumat almaq mümkündür. Saytın Xəbərlər bölməsini nisbətən qənaətbəxş hesab etmək olar, informasiyaların yenilənməsi nəzərə çarpsa da, onlar arasındakı vaxt intervalının bəzən uzun olması da diqqətdən qaçmır. Rayonun tarixi, təhsili, mədəniyyəti, səhiyyəsi və idmanı haqda məlumatlar genişdir. Amma əhalisi, coğrafi mövqeyi haqda bilgilər azdır. Xocalı rayonu işğal, faciə və vəhşiliklərə məruz qalmış rayonlarımızdandır. Saytda bunu əks etdirən Xocalı faciəsi bölməsi informasiya ötürmək baxımından çox yararlıdır. Çox yaxşı olardı ki, o faciədə canından keçərək Milli Qəhrəman statusuna qədər yüksəlmiş Xocalı şəhidləri haqqında ayrıca bölmə olardı. Ümumiyyətlə, rayonun Milli Qəhrəmanları haqqında bioqrafik məlumatların saytda olması bizcə vacib şərtlərdəndir. Etik davranış qaydaları ayrıca bölmə kimi təqdim olunmasa da, Qanunvericilik bölməsində məlumatı almaq üçün keçid verilir. Saytda elə bölmələr var ki, onların boş olması və təqdim edilməsi bəzi vacib, gərəkli olan bilgilərin olmaması isə gözdən qaçmır.

Beləliklə, Xocalı Rayon İcra Hakimiyyəti saytinın ümumi mənzərəsi aşağıdakı kimidir:

1.  Rayonun tarixi, təhsili, səhiyyəsi, mədəniyyəti, idmanı haqqındakı bilgilər kifayət qədərdir olsa da,  əhalisi, cografi mövqeyi haqdakı bilgi isə çox azdır. Qurumun rəhbəri haqqında verilmiş  məlumatlar qənaətbəxşdir. Qurumun tarixi, quruma daha öncə başçılıq etmiş şəxslər barədə məlumat, qurumunun fəaliyyətini təmin edən qanunverici baza, qurumun səlahiyyət çərçivələri barədə isə məlumat verilmir.

2.  Qurumun yerləşdiyi ünvanı, telefon və faks nömrəsi, e-poçt ünvanı verilsə də, birbaşa əhalini qəbul edəcək rəhbər işçilərin telefon nömrələri saytda öz əksini tapmayıb. Quruma başqa yerlərdən getmək üçün marşrut və ictimai nəqliyyat haqqında məlumatlara da rast gəlinmir.

3.  Qurumun strukturu haqqında sxem və müavinlər haqqında mə­lumatlar, onların bəzilərinin əlaqə nəmrələri saytda var. Şura bölməsindəki bilgilər isə çox azdır.  Struktur bölmələrinin səlahiyyət çərçivələri, qurumun tabeli­yindəki informasiya sistemləri haqqında da məlumatlar saytda öz əksini tapmır.

4.  Qurumun rəhbəri və ayrı-ayrı struktur bölmələrinin rəhbərləri ilə əks əlaqə imkanları haqqında bilgilər təqdim edilir. Lakin bütün mümkün struktur bölmələrinin rəhbərləri haqqında bioqrafik bilgilər yoxdur.

5.  Cari informasiyalar baxımından saytı nsbətən zəngin hesab etmək olar. Qurumdaxili əmr və qərarlar, bu cür aktların reyestri (qəbul və qüvvəyə minmə tarixi də daxil olmaqla) və dövlət qurumunun həyata keçirdiyi proqram və layihələr barədə də heç bir bilgi təqdim edilmir.

6.   Qurumun büdcəsi, büdcənin  icrası haqqında,  büdcədənkənar daxil­olmalar və onların istiqamətləri barədə informasiyalar saytda olmasa da, subsidiya alanlar haqda məlumata rast gəlmək olmur.

7.  Qurumun təklif etməli olduğu mütləq və əlavə xidmətlər  haqqında da heç bir bilgi yoxdur. Burada yalnız onlayn müraciət imkanı təqdim edilir.

8.   Boş iş yerləri və işə qəbulla bağlı (qurum və onun struktur böl­mələrinə işə qəbulun hüquqi bazası, işə qəbulun norma və qaydaları,  işə qəbulla bağlı komissiyalar haqqında, qurum  və onun struktur bölmələrindəki mövcud boş iş yerləri haqqında elanlar və elanların arxivi) məlumatlar da təqdim edilməyən bilgilər sırasındadır.

9.   Qurumun işçilərinin əmək haqları ilə bağlı heç bir məlumat verilmir.

10.  Əhalinin qəbulu ilə bağlı yalnız rəhbər və ayrı-ayrı vəzifəli şəxsləri tərəfindən vətəndaşların sadəcə qəbul günləri və saatları barədə bilgilər var. Burada nə vəzifəli şəxslərin əlaqə nömrələri və onlar  tərəfindən vətəndaşların qəbul norma və qaydaları, nə də qurumda vətəndaşların qəbul qaydaları haqqında bilgilər təqdim edilmir.

11.  Tender və yarışmalar haqqında hər hansı bilgiyə rast gəlinmir.

12.  Saytın texniki imkanları normal səviyyədədir. Onlayn müraciət forması təqdim olunsa da,  abunə imkanı yoxdur.