Xocavənd Rayon İcra Hakimiyyəti www.xocavend.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası Xocavənd Rayon İcra Hakimiyyəti www.xocavend-ih.gov.az domen adlı İnternet saytında məlumat kifayət qədər olsa da, yenə də bəzi çatışmazlıqlar var. Bu çatışmazlıqların aradan qaldırılmasına kömək məqsədilə  tövsiyələrimizi diqqətə çatdırırıq.

1.   Saytda rayonun səhiyyəsi haqqındakı bilgilər, qurumun özü haqqında, quruma daha öncə başçılıq etmiş şəxslər haqqında, qurumun səlahiyyət çərçivələri və hakimiyyət qolunda yeri haqda bilgilərin əlavə edilməsi tövsiyə olunur. Ümumilikdə isə rayon haqdakı məlumatları dolğun hesab etmək olar.

2.    Əhalinin qurumla əlaqəsini daha da asanlaşdırmaq üçün rəhbər işçilərin qəbul günləri, qəbul saatları, onlarla əlaqə nömrələri ilə yanaşı, həm də qurumun yerləşdiyi ünvanın sxemi, quruma başqa yerlərdən getmək üçün marşrut və ictimai nəqliyyat haqqında bilgilərin təqdim edilməsi də saytın informasiya yükünü artırardı.

3.   İcra Hakimiyyətinin strukturu haqqında sxem və müavinlər adları qeyd olunsa da, onların haqqında məlumatlar, struktur bölmələrinin dəqiq (tam) ünvanları,  struktur bölmələrinin səlahiyyət çərçivələri, qurumun tabeliyindəki informasiya sistemləri haqqında məlumatların təqdim edilməsi də tövsiyə olunur.

4.   Yaxşı olardı ki, rəhbər haqda bioqrafik bilgilərlə yanaşı, digər rəhbər işçilər və onlarla əks əlaqələr baxımından, bütün mümkün struktur bölmələrinin rəhbərləri haqqında bioqrafik bilgilərin təqdim edilməsi, qurumun rəhbəri və ayrı-ayrı struktur bölmələrinin rəhbərləri ilə əks əlaqə imkanları haqqında da bilgilərin təqdim edilsin.

5.  Cari informasiyaların daha da intensiv yenilənməsi, qurumdaxili əmr və qərarların, bu cür aktların reyestri (qəbul və qüvvəyə minmə tarixi də daxil olmaqla) və dövlət qurumunun həyata keçirdiyi proqram və layihələr barədə bilgilərin isə təqdim edilməsi də tövsiyə olunur.

6.   Büdcə ilə bağlı məsələlər haqqında saytda bilglərin verilməsi də tövsiyə olunur.

7.   Qurumun təklif etməli olduğu mütləq və əlavə xidmətlər  haqqında bilgilərin verilməsi tövsiyə olunur.

8.    Boş iş yerləri və işə qəbulla bağlı bilgilərin də saytda öz əksini tapması tövsiyə olunur.

9.    Rəhbər, onun müavinlərinin və struktur bölmələri rəhbər işçilərinin əmək haqlarının da təqdim edilməsi tövsiyyə olunur.

10.   Ziyarətçilərin qəbul şərtləri və qəbul günləri (saatları) haqqında məlumatla yanaşı, həm də vəzifəli şəxslər tərəfindən vətəndaşların qəbul norma və qaydaları, həm də  qurumda vətəndaşların qəbul qaydaları haqqında bilgilərin təqdim edilməsi tövsiyə olunur.

11.   Tender və yarışmalar haqqında bilgilərin təqdim edilməsi tövsiyyələr sırasındadır.

12.   Saytın texniki imkanlarının yaxşılaşdırılması və abunə imkanının da daxil edilməsi tövsiyyə olunur.