Neftçala Rayon İcra Hakimiyyəti www.neftchala.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası Neftçala Rayon İcra Hakimiyyəti  www.neftchala-ih.gov.az domen adlı İnternet saytında məlumat baxımından bəzi çatışmazlıqlar var. Bu çatışmazlıqların aradan qaldırılmasına kömək məqsədilə  tövsiyyələrimiz bunlardir:

1.    Tövsiyə olunur ki, saytda rayon haqqındakı bilgilərdə əhali bölməsindəki məlumatlar dolğunlaşdırılsın, iqtisadiyyat bölməsində isə məlumat yerləşdirilsin. Bununla yanaşı, qurumun özü, quruma daha öncə başçılıq etmiş şəxslər, qurumunun fəaliyyətini təmin edən qanunverici baza, qurumun səlahiyyət çərçivələri və hakimiyyət qolunda yeri haqda bilgilər təqdim edilsin.

2.    Əhalinin qəbulunu asanlaşdırmaq baxımından rəhbər işçilərin qəbul günləri, qəbul saatları ilə yanaşı, onlarla birbaşa əlaqə nömrələrinin də təqdim edilməsi yaxşı olardı. Qurumun yerləşdiyi ünvanın sxemi, quruma başqa yerlərdən getmək üçün marşrut və ictimai nəqliyyat haqqında bilgilərin təqdim edilməsi də saytın informasiya yükünü artırardı.

3.   Qurumun strukturu haqqında sxem və müavinlər adları qeyd olunsa da, onların haqqında məlumatlar, onlarla əlaqə nömrələri, struktur bölmələrinin dəqiq (tam) ünvanları,  struktur bölmələrinin səlahiyyət çərçivələri, qurumun tabeliyindəki informasiya sistemləri haqqında məlumatların təqdim edilməsi də tövsiyə olunur.

4.   Tövsiyyə olunur ki, rəhbər işçilər və onlarla əks əlaqələr baxımından, bütün mümkün struktur bölmələrinin rəhbərləri haqqında da bioqrafik bilgilər təqdim edilsin. Qurumun rəhbəri və ayrı-ayrı struktur bölmələrinin rəhbərləri ilə əks əlaqə imkanları haqqında da bilgilərin təqdim edilməsi yaxşı olardı.

5.  Cari informasiyaların daha da intensiv yenilənməsi, qurumdaxili əmr və qərarların, bu cür aktların reyestri (qəbul və qüvvəyə minmə tarixi də daxil olmaqla) və dövlət qurumunun həyata keçirdiyi proqram və layihələr barədə bilgilərin isə təqdim edilməsi tövsiyə olunur.

6.   Büdcə ilə bağlı məsələlər haqqında saytda bilgi verilməsi də yaxşi olardı.

7.   Qurumun təklif etməli olduğu mütləq və əlavə xidmətlər  haqqında bilgilərin verilməsi tövsiyə olunur.

8.    Boş iş yerləri və işə qəbulla bağlı bilgilərin də saytda öz əksini tapması tövsiyə olunur.

9.    Rəhbər, onun müavinlərinin və struktur bölmələri rəhbər işçilərinin əmək haqlarının da təqdim edilməsi tövsiyə olunur.

10.   Vətəndaşların qəbul günləri (saatları) haqqında məlumatla yanaşı, qəbul şərtləri, həm də vəzifəli şəxslər tərəfindən vətəndaşların qəbul norma və qaydaları, həm də  qurumda vətəndaşların qəbul qaydaları haqqında bilgilərin təqdim edilməsi tövsiyəyə olunur.

11.   Tender və yarışmalar haqqında bilgilərin təqdim edilməsi tövsiyyələr sırasındadır.

12.   Saytın texniki imkanlarının yaxşılaşdırılması və abunə imkanının da daxil edilməsi tövsiyyə olunur.