Azərbaycan Respublikası Ekologiya və Təbii Sərvətlər Nazirliyinin www.eco.gov.az domen adlı İnternet saytının monitorinqinin nəticələri /İCMAL/

Azərbaycan Respublikası Ekologiya və Təbii Sərvətlər Nazirliyinin www.eco.gov.az domen ünvanlı İnternet saytı sahəyə aid zəngin resurs hesab edilə bilər. Burada nazirliyin aid olduğu sahəylə bağlı həm qanunverici baza, həm də müxtəlif faydalı informasiyalar toplanıb. Həm maariflənmə, həm də sadəcə faydalı vaxt keçirmə üçün yararlı olan saytda bəzi çatışmazlıqlar da nəzərə çarpır. Bununla belə sayt hər cəhətdən faydalı resurs hesab edilə bilər. Beləliklə, nazirliyin saytında gördüklərimizi aşağıda diqqətə çatdırırıq:

1. Nazirliyin özü ilə bağlı informasiya bloku dolğun olsa da burada quruma daha əvvəl başçılıq edənlər barədə bilgi yoxdur.

2. Ziyarətçilərin əks əlaqəsi üçün demək olar ki, bütün imkanlar təklif edilir. Yalnız qurumun yerləşdiyi ünvanın sxemi, həmçinin buraya gəlmək üçün ictimai nəqliyyat barədə bilgi verilmir.

3. Struktur haqqında bilgi verilsə də struktur vahidlərinin ünvanları və onların səlahiyyət çərçivələri barədə bilgi yoxdur.

4. Struktur bölmələri rəhbərlərinin biografik bilgilərinin çatışmazlığı da diqqətdən yayınmır.

5. Qurumun cari fəaliyyəti barədə informasiyanı yetərli saymaq olsa da burada qurumdaxili əmr və sərəncamlar barədə bilgi əldə etmək mümkün deyil.

6. Ümumi dövlət büdcəsi və onun quruma aid hissəsi barədə bilgilər də yoxdur.

7. Pulsuz mütləq xidmətlərin siyahısı və xidmətlərdən istifadə qaydaları haqqında ayrıca bilgi nəzərə çarpmır.

8. İşə qəbul qaydaları və boş iş yerləri barədə də bilgilərin olmaması saytın dolğunluğuna ciddi zərər vurur.

9. Sahə işçilərinin əmək haqları barədə bir kəlmə olsun belə informasiya verilmir.

10. Vacib məsələlərdən olan vətəndaşların qəbul qaydaları və qəbul vaxtları barədə də heç bir bilgi verilmir.

11. Tenderlərin keçirilməsi ilə bağlı qayda və elanlar olmasa da müxtəlif müsabiqələr barədə elanlara rast gəlinir.

12. Nazirliyin norma- (qanun)yaratma fəaliyyəti barədə heç bir bilgi verilmir.

13. Saytın texniki imkanlarına gəlincə isə demək olar ki, onlar tələbata cavab verəcək səviyyədədir. Yalnız abunə yazılışı təklif edilmir.