Qaçqınların və Məcburi Köçkünlərin İşləri üzrə Dövlət Komitəsinin İnternet saytının monitorinqinin yekunları /İCMAL/

                                                               Azərbaycan Respublikası Qaçqınların və Məcburi
Köçkünlərin İşləri üzrə Dövlət Komitəsinin İnternet saytı ilk andan özünün domen ünvanının mürəkkəbliyi ilə diqqəti cəlb edir: www.refugees-idps-committee.gov.az. Bu qədər uzun və Azərbaycan insanı üçün anlaşılmaz domen adı resursun asan əlçatan olması baxımından heç də əlverişli sayıla bilməz.
Qaldı ki, onun zənginliyinə, elə də zəngin sayıla bilməz. Bəzən ən adi və ən çox tələb olunan informasiyalar belə saytda gözə dəymir. Beləliklə, xalq arasında “qaçqınkom” kimi tanınan qurumun İnternet saytında gördüklərimiz:    Qurumun hazırkı və öncəki rəhbərləri barədə biografik bilgilər olmasa da onun özü haqqında yetərincə bilgi var.

2.    Ziyarətçilərin əks əlaqəsi üçün də demək olar ki, hər cür imkan təklif edilir. Yalnız qurumun ünvanının marşrut və sxemi, ictimai nəqliyyat imkanları barədə heç nə deyilmir.

3.    Qurumun strukturu barədə sözlü bilgi verilir və bunu yetərli saymaq olar. Ancaq onun yerli nümayəndəlikləri barədə bunu demək olmaz.

4.    Rəhbər və rəhbər orqanların başçıları barədə biografik bilgilərin olmaması, əlbəttə ki, ürəkaçan deyil.

5.    Qurumun cari fəaliyyəti barədə informasiya bölməsində bir qədər çeviklik çatışmır. Bundan başqa qurumdaxili əmr və sərəncamlar haqqında heç nə deyilmir.

6.    Ümumi dövlət büdcəsinin rəqəmlə ifadəsi və onun quruma aid hissəsi haqqında heç bir bilgi verilməməsi də ciddi çatışmazlıqlardan sayıla bilər.

7.    Komitə tərəfindən təklif edilən xidmətlər barədə saytda heç bir bilgi yoxdur. Halbuki bu cür bilgilər xüsusən tələb olunandır.

8.    İşə qəbul qaydaları və boş iş yerləri haqqında da heç bir bilgi yoxdur.

9.    Qurumda çalışanların əmək haqlarının formalaşma yolları və həddi barədə bilgilər saytda gözə dəymir.

10.    Vətəndaşların qəbul şərtləri və qaydaları barədə də hər hansı bilgi verilmir.

11.    Tender və müsabiqələr barədə ayrıca bilginin olmaması bu sahədə şəffaflıqla bağlı ciddi suallar doğura bilər.

12.    Qurumun norma- (qanun)yaratma fəaliyyəti barədə saytda hər hansı informasiyaya rast gəlmək mümkün deyildir.

13.    Saytın texniki imkanlarına gəlincə onu qeyd etmək olar ki, bu sahədə elə də ciddi qüsurlar yoxdur. Yalnız ziyarətçilərə abunə imkanı təklif edilmir.