Milli Televiziya və Radio Şurasının www.ntrc.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

İcmalda da qeyd etdiyimiz kimi Azərbaycan Respublikası Milli Televiziya və Radio Şurasının www.ntrc.gov.az domen adlı İnternet resursu olduqca kasad bire resursdur. Bununla belə ötən monitorinqlər zamanı müşahidə etdiklərimizdən fərqli olaraq bu dəfə texniki baxımdan saytın təkmilləşdirilməsi də diqqətdən qaçmır. Bunu nəzərə alaraq belə qənaətə gəlmək olar ki, saytı təkmilləşdirib dolğun hala gətirmək üçün imkanlar hələ də var. Ona görə də aşağıda təkmilləşdirmə ilə bağlı bir sıra təkliflərimizi irəli sürmək istərdik:

1. Yaxşı olardı ki, saytda ümumi xarakterli əks əlaqə imkanları ilə yanaşı ayrı-ayrı xidmət və altbölümlərlə əlaqə üçün də imkanlar təklif ediləydi.

2. Qurumun ünvanının sxemi və buraya gəlmək üçün ictimai nəqliyyat barədə bilgi verilməsi də məqsədəuyğundur.

3. Struktur bölmələrinin rəhbərləri və onlarla birbaşa əlaqə imkanlarını təklif etmək doğru olardı.

4. Bütün mümkün struktur bölmələrinin rəhbərləri barədə biografik bilgilərin verilməsinə zərurət var.

5. Qurumun həyata keçirdiyi proqram və layihələr barədə də bilgi verilməsi zəruridir.

6. Daha bir zərurət qurumdaxili əmr və sərəncamların saytda yerləşdirilməsi ilə bağlıdır.

7. Ümumi dövlət büdcəsinin rəqəmlə və ifadəsi və onun quruma aid hissəsinin saytda yerləşdirilməsi vacibdir.

8. Qurumun təklif etdiyi xidmətlər barədə ayrıntılı bilgilər verilməlidir.

9. İşə qəbul qaydaları və boş iş yerləri barədə bilgilərin saytda yerləşdirilməsi vacibdir.

10. Sahə işçilərinin əmək haqları barədə bilgi verilməməsi saytın qüsurları sırasındadır.

11. Daha bir ciddi qüsur saytda vətəndaşların qəbul qaydaları və qəbul vaxtları barədə bilgi verilməməsi ilə bağlıdır.

12. Tender və müsavbiqələr haqqında bilgi verilməsi məqsədəuyğun və vacibdir.

13. Qurumun norma- (qanun)yaratma fəaliyyəti barədə də bilgi verilməlidir.

14. Saytda təklif edilən abunə imkanının işlək hala gətirilməsi, onlayn yazışma formasının əlavə eidlməsi faydalı olardı.