Azərbaycan Respublikası Dini Qurumlarla İş üzrə Dövlət Komitəsinin www.scwra.gov.az domen adlı İnternet saytının monitorinqinin fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası Dini Qurumlarla İş üzrə Dövlət Komitəsinin www.scwra.gov.az domen ünvanlı İnternet resursu, icmalda da qeyd etdiyimiz kimi, zəif bir sayt təsiri bağışlayır. Daha doğrusu, texniki imkanları yaxşı olsa da dolğunluq baxımından axsayır. Bununla belə o da nəzərə alınmalıdır ki, saytın təkmilləşdirilmə imkanları mövcuddur və onu nəzərə alaraq aşağıda bu yöndə tövsiyələrimizi təqdim edirik:

1. Yaxşı olardı ki, saytda quruma daha öncə başçılıq etmiş şəxslər barədə bilgi verilsin.

2. Ziyarətçilərin əks əlaqəsini asanlaşdırmaq üçün qurumun ünvanını da saytda əks etdirmək lazımdır. Bundan başqa bura gəlmək üçün ictimai nəqliyyat imkanları haqqında bilgi verilməlidir.

3. Qurumun struktur bölmələrinin ünvanları və onların səlahiyyət çərçivələri barədə bilgiləri sayta əlavə etməyə gərək var.

4. Bütün mümkün struktur bölmələrinin rəhbərləri haqqında biografik bilgiləri sayta əlavə etmək lazımdır.

5. Qurumun cari fəaliyyəti ilə bağlı bölmədə həyata keçirilən proqram və layihələr barədə bilgi vermək, qurumdaxili əmr cə sərəncamların reyestrini təqdim etmək vacibdir.

6. Ümumi dövlət büdcəsi və onun quruma aid hissəsinin ayrıntıları saytda əks olunmalıdır.

7. Qurum tərəfindən təklif edilən xidmətlərin də ayrıca əks olunmasına zərurət var.

8. İşə qəbul qaydaları və boş iş yerləri haqqında bilgi vermək lazımdır.

9. Sahə işçilərinin əmək haqları barədə bilgi saytda əks olunarsa faydalıdır.

10. Vətəndaşların qəbul şərtləri və qəbul vaxtları barədə bilgi verilməsinə zərurət var.

11. Qurumun həyata keçirdiyi tender və yarışmalar haqqında da bilgi vermək lazımdır.

12. Komitənin norma- (qanun)yaratma fəaliyyəti barədə bilgiləri sayta əlavə etmək məqsədəuyğundur.

13. Saytın texniki imkanları sırasına abunə imkanı da əlavə etmək lazımdır.