Azərbaycan Respublikasının Prezidenti Yanında Dövlət Qulluğu Məsələləri üzrə Komissiyanın www.dqmk.az domen ünvanlı İnternet resursu, icmalda da qeyd etdiyimiz kimi, yetərincə yaxşı təsir bağışlayır. Bununla belə saytda bir sıra vacib informasiyaların çatışmadığı da gözdən yayınmır. Yəni saytın işinə məsuliyyət daşıyan struktur bölməsinin xoş məramlı olmasına şübhə yeri olmasa da, burada bəzi məqamların gözdən qaçdığını qeyd etməmək mümkün deyil. Ona görə də aşağıda saytın təkmilləşdirilməsi ilə bağlı bəzi tövsiyələrimizi diqqətə çatdırırıq:
1. Yaxşı olar ki, ziyarətçilərin əks əlaqəsini ən yüksək səviyyədə təmin etmək üçün saytda quruma gəlməyi asanlaşdıracaq ictimai nəqliyyat barədə bilgi verilsin.
2. Qurumun struktur bölmələrinin ünvanlarını da ayrıca qeyd etməyə zərurət var.
3. Qurumun cari fəaliyyəti bölməsində qurumdaxili əmr və sərəncamların reyestrini yerləşdirmək məqsədəuyğundur.
4. Qurumun həyata keçirdiyi proqram və layihələr barəsində bilgi verilməsi də zəruridir.
5. Ümumi dövlət büdcəsinin rəqəmlə ifadəsi və onun quruma aid ayrıntıları barədə geniş bilgi verilməsinə zərurət var.
6. Qurum tərəfindən təklif edilən xidmətlər haqqında ayrıntılı bilgi verilməsi məqsədəuyğundur.
7. İşə qəbul qaydaları və boş iş yerləri haqqında bilgilər də tələb olunanlar sırasındadır.
8. Sahə işçilərinin əmək haqları barədə bilgi verilməsi işin faydasına olardı.
9. Vətəndaşların qəbul şərtləri və qaydaları, həmçinin vaxtları barədə bilgi vermək lazımdır.
10. Qurumun keçirdiyi tender və yarışmalar haqqında bilgilərin tam və dolğun şəkildə təqdim edilməsi zəruridir.
11. Qurumun norma- (qanun)yaratma fəaliyyəti də saytda əks olunsa işin xeyrinə olardı.