Dövlət Torpaq və Xəritəçəkmə Komitəsinin www.dtxk.gov.az domen adlı İnternet saytınınin fəaliyyətinin təkmilləşdirilməsi ilə bağlı TÖVSİYƏLƏR

 Azərbaycan Respublikası Dövlət Torpaq və Xəritəçəkmə Komitəsinin www.dtxk.gov.az domen ünvanlı İnternet resursu, icmalda da qeyd etdiyimiz kimi, bir sıra göstəricilərinə görə diqqəti cəlb etsə də bəzi vacib informasiyaların çatışmaması baxımından ürəkaçan deyil. Saytın təkmilləşdirilmə imkanları da yox deyil. Yəni bir sıra bilgiləri əlavə etməklə bərabər saytda bəzi təkmilləşdirmə işləri aparıb onu daha uyğun hala gətirmək olar. Ona görə də aşağıda bəzi tövsiyələrimizi diqqətə çatdırmaq istərdik:

1. Yaxşı olardı ki, saytda quruma daha öncə başçılıq etmiş şəxslər barədə də bilgi verilsin.

2. Ziyarətçilərin əks əlaqəsini asanlaşdırmaq üçün qurumun ünvanının marşrut və sxemini, həmçinin bura gəlmək üçün ictimai nəqliyyat vasitələrini təqdim etmək faydalı olardı.

3. Bütün mümkün struktur vahidlərinin rəhbərləri haqqında biografik bilgiləri sayta yerləşdirmənin bir faydası vardır əlbət.

4. Qurumun cari fəaliyyəti ilə bağlı bölməyə qurumdaxili əmr və sərəncamlar barədə bilgiləri də əlavə etmək lazımdır.

5. Qurumun həyata keçirdiyi proqram və layihələr barədə də bilgilər daha dolğun verilməlidir.

6. Ümumi dövlət büdcəsinin rəqəmlə ifadəsi və onun quruma aid hissəsinin ayrıntılarını mütləq şəkildə resursa yerləşdirmək lazımdır.

7. Dövlət qurumu tərəfindən təqdim edilən xidmətlər barədə bilgiləri daha dolğun şəkildə təqdim etmək işin faydasına olardı.

8. İşə qəbul qaydaları və boş iş yerləri haqqında da bilgi verilməsi zəruridir.

9. Sahə işçilərinin əmək haqları barədə bilgiləri sayta əlavə etmək lazımdır.

10. Vətəndaşların qəbulu qaydaları və vaxtları barədə bilgilərin saytda yerləşdirilməməsi heç cür anlaşılan deyil.

11. Qurumun keçirdiyi tender və yarışmalar barədə də bilgilərə gərək var.

12. Komitənin norma- (qanun)yaratma fəaliyyəti haqqında bilgilərin olmamasına da haqq qazandırmaq mümkün deyil.

13. Sayta abunə imkanı da əlavə etməyə gərək var.