Azərbaycan Respublikası Dövlət Torpaq və Xəritəçəkmə Komitəsinin www.dtxk.gov.az domen adlı İnternet saytının monitorinqinin nəticələri /İCMAL/

Azərbaycan Respublikası Dövlət Torpaq və Xəritəçəkmə Komitəsinin www.dtxk.gov.az domen ünvanlı İnternet resursunda bir sıra saytlardan fərqli olaraq bəzi faydalı informasiyalar da diqqəti cəlb edir. Yəni bu baxımdan saytı bir qədər daha dolğun hesab etmək olar. Ancaq bu heç də o demək deyil ki, sayt tam olaraq standartlara cavab verir. Təbii ki, saytda xeyli çatışmazlıq var. Ümumilikdə isə buradakı mənzərə aşağıdakı kimidir:

1. Qurumun özü haqqında bilgilər yetərincədir. Yalnız ona daha öncə başçılıq etmiş şəxslər barədə bilgi verilmir.

2. Ziyarətçilərin əks əlaqəsi üçün imkanlar təqdim edilir. Burada çatışmayan qurumun ünvanının marşrut və sxemi, həmçinin oraya gəlmək üçün ictimai nəqliyyat barədə bilgi verilmir.

3. Qurumun strukturu grafiki sxem şəklində verilməsə də bilgi tərkibi yetərli hesab edilə bilər.

4. Rəhbər və rəhbər işçilərlə əks əlaqə imkanları yetərli həddədir. Yalnız struktur bölmələri rəhbərləri haqqında biografik bilgilər verilmir.

5. Qurumun cari fəaliyyəti də saytda əks olunur. Ancaq burada qurumdaxili əmr və sərəncamlar haqqında heç nə deyilmir.

6. Ümumi dövlət büdcəsinin rəqəmlə ifadəsi və onun quruma aid hissəsi barədə heç bir bilgi verilmir.

7. Qurum tərəfindən təklif edilən xidmətlər barədə bilgilər yetərli deyil.

8. İşə qəbul qaydaları və boş iş yerləri haqqında hər hansı bilgi verilmir.

9. Sahə işçilərinin əmək haqları barədə də hər hansı bilgi verilmir.

10. Vətəndaşların qəbul şərtləri və qəbul zamanları barədə bilgilər çatışmayanlar arasındadır.

11. Tender və müsabiqələr barədə bilgilər də çatışmayanlar sırasındadır.

12. Qurumun norma- və (qanun)yaratma fəaliyyəti barədə bilgilərin olmaması da ürəkaçan deyil.

13. Saytın texniki imkanlarına gəlincə, burada elə də ciddi bir çatışmazlıq gözə dəymir.