Azərbaycan Respublikası Fövqəladə Hallar Nazirliyinin www.fhn.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası Fövqəladə Hallar Nazirliyinin www.fhn.gov.az domen ünvanlı İnternet resursu, icmalda da qeyd etdiyimiz kimi, bir qədər zəngin resurs təsiri bağışlayır. Bununla belə saytda xeyli informasiya çatışmazlığı da var. Ona görə də aşağıda saytın təkmilləşdirilməsi ilə bağlı bəzi tövsiyələrimizi diqqətə çatdırmaq istərdik:

1.      Yaxşı olardı ki, qurumun e-poçt ünvanları da təqdim edilsin. Bundan başqa ünvanının marşrut və sxeminin təqdim edilməsinə gərək var.

2.      Başqa bir ehtiyac quruma gəlmək üçün ictimai nəqliyyat imkanları haqqında bilgi verilməsi ilə bağlıdır.

3.      Qurumun strukturunun qrafiki sxem şəklində də təqdim etmək yaxşı olardı.

4.      Rəhbər və rəhbər işçilər, həmçinin struktur rəhbərləri barədə biografik bilgilərin verilməsinə zərurət var.

5.      Qurumun cari fəaliyyəti ilə bağlı bölmədə qurumdaxili əmr və sərəncamlar çatışmır.

6.      Başqa bir çatışmazlıq qurumun həyata keçirdiyi proqram və layihələrlə bağlıdır. Heç bir bilgi yoxdur.

7.      Dövlət büdcəsinin ümumi rəqəmlə ifadəsi və onun quruma aid hissəsi barədə də heç bir bilgi yoxdur.

8.      Qurum tərəfindən təklif edilən xidmətlərin ayrıntılı şəkildə təqdim edilməsi zəruridir.

9.      İşə qəbul qaydaları və boş iş yerləri haqqında bilgi çatışmazlığını aradan qaldırmaq lazımdır.

10.  Sahə işçilərinin əmək haqları barədə də bilgi vermək lazımdır.

11.  Vətəndaşların qəbulu ilə bağlı bölmədə qaydalar və qəbul saatlarını da təqdim etmək məqsədəuyğundur.

12.  Qurumun keçirdiyi tender və müsabiqələr haqqında bilgi verilməsinin zəruriliyi barədə danışmağa, yəqin ki, ehtiyac yoxdur.

13.  Qurumun norm- (qanun)yaratma fəaliyyəti barədə bilgi çatışmazlığını aradan qaldırmaq faydalı olardı.

14.  Saytın texniki imkanları sırasına abunəni də əlavə etmək gərəkdir.