www.socar.gov.az – Azərbaycan Respublikası Dövlət Neft Şirkətinin İnternet saytı

Hiss olunur ki, Azərbaycan Respublikası Dövlət Neft Şirkətinin (ARDNŞ) İnternet saytı bir qədər gec fəaliyyətə başlayıb. Bununla belə heç olmazsa son illərin məlumatları saytda yer alıb. Saytın üstün xüsusiyyətlərindən biri burada sorğu və əks əlaqə üçün onlayn formaların yerləşdirilməsidir. Mənfi cəhəti isə işə qəbul, boş iş yerləri və tenderlər haqqında heç bir şeyin olmamasıdır. Üstəlik sual-cavab bölməsində sadəcə ARDNŞ-in prezidentinə təşəkkürlərin yerləşdirilməsi də mənfi hal sayıla bilər. Sayt sol və üst menyulardan ibarət olmaqla aşağıdakı bölmələrdən ibarətdir:

Sol menyu:

• ARDNŞ: fərman və nizamnamələr (bir neçə fərman və ARDNŞ-in nizamnaməsi), struktur (ARDNŞ prezidentinin tərcümeyi-halı, vitse-prezidentlərin adları, şəkilləri, telefon və faks nömrələri, e-ünvanları və şəkilləri), görkəmli neftçilər (Azərbaycanın yeni neft strategiyası və tanınmış neftçilər haqqında)
• Layihələr və tərəfdaşlar: layihələr (layihələr, birgə müəssisələr, alyanslar və əməliyyat şirkətləri), tərəfdaşlar (ARDNŞ-in tərəfdaşı olan şirkətlərin e-poçt da daxil olmaqla ünvanları, telefon və faks nömrələri. Bəziləri tam deyil)
• Xəbərlər: xəbərlər anonsu (2005-ci ilin dekabrından başlayaraq aybaay xəbər başlıqları), xəbərlər arxivi
• İctimai əlaqələr: beynəlxalq konfrans, milli təhlükəsizlik nazirinə məktub, ARDNŞ prezidentinin Novruz təbriki
• Sosial sahə: ARDNŞ-in sosial sahədə gördüyü işlər haqqında
• Statistika: neft-qaz hasilatı (neft-qaz hasilatı və qazma işləri üzrə 2003-cü ildən başlayan göstəricilər), neft emalı (2004-2006-cı illərin göstəriciləri), qiymətlər (12 sentyabr 2005-ci ildən 28 fevral 2006-cı ilədək neftin qiymətləri), digər

Üst menyu:

• Mətbuat güşəsi: media nümayəndələrinin abunə yazılması üçün onlayn forma, sorğuyla mətbuat açıqlamaları, ictimai əlaqələrə, sosial məsələlərə dair və digər məlumatların alınması
• Sual-cavab: sual vermək üçün onlayn forma
• Əlaqə: e-poçt da daxil olmaqla ARDNŞ-in ünvanı, telefon və faks nömrələri, şöbələrin siyahısı və telefon nömrələri (bəzi şöbələrin e-poçt ünvanları da verilib)

Bunlardan başqa saytda axtarış aparmaq üçün axtarış qutusu da var.