www.caspian development and export.com – bp Xəzərin İnternet saytı

bp (beyond petrolium) şirkətinin Azərbaycan dilli İnternet saytı yetərincə zəngindir. Burada demək olar ki, ziyarətçiləri maraqlandıran bütün suallara cavab tapmaq mümkündür. Xüsusi olaraq qeyd etmək lazımdır ki, monitoringini apardığımız başqa saytlardan fərqli olaraq burada işə qəbul məsələlərinə daha geniş yer verilib. bp-nin iş mühitindən tutmuş illik işə qəbul programına qədər hər şey burada var. Saytda həm də axtarış qutusu var. Ancaq təəccüblüsü odur ki, əks əlaqə üçün nə bir onlayn forma, nə e-poçt ünvanı, nə də ki, telefon və faks nömrələri verilib. Sayt aşağıdakı bölmələrdən ibarətdir:

• bp Xəzər haqqında: biz kimik (tərəfdaşlar, tarix, əsas addımlar), biz nə iş görürük (kəşfiyyat və hasilat, neft və qaz ixracı)
• Ətraf mühit və cəmiyyət: sağlamlıq və əməyin təhlükəsizliyi (qızıl qaydalar), ətraf mühit (ətraf mühit üzrə yatırım programları, neft daşmalarına qarşı cavab tədbirləri), təhlükəsizlik (hökumətlərlə iş, boru kəmərlərimiz və obyektlərimiz üçün təhlükəsizliyin təmin edilməsi, icmalarla iş, ümumi baxış), cəmiyyətdə (bp cəmiyyətdə, Xəzər bölgəsində davamlı inkişaf)
• Mətbuat: mətbuat üçün açıqlamalar, bülleten (son məlumatlar 2006-cı ilin yanvar ayını əhatə edir)
• Karyera: bp-də işləmək haqqında, çoxmillətli iş mühiti, kompensasiya və üstünlüklər, sınaq programı, peşə üzrə inkişaf, təcrübədən keçmiş icarələr, işçilərin tərcümeyi-halları, illik işəgötürmə programı
• Hesabatlar və nəşrlər: Xəzər bölgəsi haqqında (davamlı inkişaf haqqında hesabat), kəşfiyyat və hasilat (hüquqi sazişlər, ətraf mühit və sosial sahə ilə bağlı sənədlər), neft və qaz ixracı (hüquqi sazişlər, ətraf mühit və sosial məsələlərlə bağlı sənədlər), fəaliyyətlərimizin şirkətdənkənar monitoringi (ətraf mühit və sosial sahə üzrə monitoring, Xəzərin işlənməsi üzrə məsləhət şurası, yerli QHT-lər tərəfindən monitoring)
• bp Global: bp-nin əsas saytına keçid