Ali Məhkəmənin www.supremecourt.gov.az domen adlı İnternet saytının monitorinqinin yekunları /İCMAL/

Azərbaycan Respublikası Ali Məhkəməsinin www.supremecourt.gov.az domen ünvanlı İnternet resursu, apardığımız monitoringdən də göründüyü kimi, elə də zəngin resurs hesab edilə bilməz. Hətta deyərdik ki, burada bəzən ən adi informasiyaların çatışmadığı hiss edilir. Saytı alayarımçıq da hesab eləmək olar. Ümumilikdə isə burada gördüyümüz mənzərə aşağıdakı kimidir:

1. Qurumun özü haqqında bilgi ümumiyyətlə verilməyib. Ancaq rəhbəri, hakimiyyət qolunda yeri və qanunverici bazası haqqında yetərincə bilgi var.

2. Ziyarətçilərin əks əlaqəsi üçün telefon və e-poçt ünvanları baxımından sayt zəngin sayıla bilər. Bununla belə ünvanının marşrut və sxemi, həmçinin ora getmək üçün ictimai nəqliyyat barədə bilgi yoxdur.

3. Qurumun strukturu sxematik olaraq təsvir edilməsə də onun struktur vahidləri barədə bilgilər var.

4. Əsas rəhbərin, onun müavinlərinin və struktur bölmələri rəhbərlərinin biografik bilgiləri də yetərli sayıla biləcək qədər verilib.

5. Əks əlaqə imkanları isə yüzdə yetmiş civarındadır.

6. Qurumun cari fəaliyyəti də saytda əks olunub. Ancaq qurumdaxili əmr və sərəncamlar, eləcə də qurumun həyata keçirdiyi proqram və layihələr barədə heç nə deyilmir.

7. Ümumi dövlət büdcəsinin rəqəmlə ifadəsi və onun quruma aid hissəsinin ayrıntıları saytda əks olunmayıb.

8. Qurumun təklif etdiyi xidmətlər çox zəif şəkildə təqdim edilir.

9. İşə qəbul qaydaları və boş iş yerləri haqqında bilgilər də saytda əks edilmir.

10. Sahə işçilərinin əmək haqları barədə bilgilər əhatə olunmayanlar sırasındadır.

11. Vətəndaşların qəbulu ilə bağlı informasiyalar verilib.

12. Tender və müsabiqələr də bu saytda əhatə edilməmişlər sırasındadır.

13. Qurumun norma- (qanun)yaratma fəaliyyəti ilə bağlı da eyni şeyi demək olar.

14. Saytın texniki imkanlarını yetərli saymaq olardı. Ancaq burada abunə və onlayn müraciət forması yoxdur.