Azərbaycan Respublikasının Ailə, Qadın və Uşaq Problemləri üzrə Dövlət Komitəsinin www.scfwca.gov.az domen adlı İnternet saytının monitorinqinin yekunları /İCMAL/

Azərbaycan Respublikasının Ailə, Qadın və Uşaq Problemləri üzrə Dövlət Komitəsinin www.scfwca.gov.az domen ünvanlı İnternet resursu saytı zəif olan  digər qurumlardan ciddi fərqlənmir. Yəni burada da bir yarımçıqlıq, bir informasiya kasadlığı nəzərə çarpır. Saytda heç adi operativlik də gözə dəymir.  Bu resursda müşahidə etdiyimiz ümumi mənzərə isə aşağıdakı kimidir:

1. Qurumun özü haqqında bilgilər yetərli sayıla biləcək həddədir. Burada yalnız ona daha öncə başçılıq etmiş şəxslər barədə bilgi çatışmır.

2. Əks əlaqə üçün təklif edilən imkanlar yetərli sayıla biləcək deyil. Yəni bir onlayna yazışma forması ilə ümumi xarakterli ünvan ve telefon nömrələri verilib.

3. Qurumun strukturu sxematik şəkildə təqdim edilməyib. Bununla belə onun struktur bölmələri haqqında qısa da olsa bilgi verilir. Eyni zamanda struktur bölmələrinin səlahiyyət çərçivələri və onların ünvanları da nəzərə çarpmır.

4. Rəhbər və rəhbər işçilər haqqında heç bir biografik bilgi verilmir. Əks əlaqə üçün də yalnız ümumi imkanlar təklif edilir.

5. Qurumun cari fəaliyyəti saytda işıqlandırılır. Ancaq burada operativlik çatışmır. Onun icra etdiyi proqram və layihələr barədə də bilgi verilir. Qurumdaxili əmr və sərəncamlar saytda əks olunmur.

6. Ümumi dövlət büdcəsinin rəqəmlə ifadəsi və onun quruma aid hissəsinin ayrıntıları saytda təqdim edilmir.

7. Qurumun təklif etdiyi xidmətlər barədə heç nə deyilmir.

8. Boş iş yerləri və işə qəbul qaydaları haqqında da heç bir bilgi verilmir.

9. Sahə işçilərinin əmək haqları ilə bağlı bilgilər bu saytda ümumiyyətlə əhatə olunmur.

10. Vətəndaşların qəbulu ilə bağlı heç bir bilgi yoxdur.

11. Tender və müsabiqələr barədə də hər hansı bilgiyə rast gəlmək olmur.

12. Qurumun norma- (qanun)yaratma fəaliyyəti saytda öz əksini tapmayıb.

13. Saytın texniki imkanlarını yetərli saymaq olar. Ancaq burada abunə imkanı təklif edilmir.