İcmaldan da göründüyü kimi Azərbaycan Respublikası Dövlət Neft Şirkətinin www.socar.az domen ünvanlı İnternet resursu texniki cəhətdən yetərli sayıla biləcək durumda olsa da orada bir çox bilgilər çatışmır. Yəni bu saytda daha çox məzmun sarıdan kasadlıq var ki, onu da aradan qaldırmaq heç də çətin deyil. Bunu nəzərə alaraq aşağıda saytın təkmilləşdirilməsi ilə bağlı bəzi tövsiyələrimizi diqqətə çatdırırıq:
1. Qurumun özü haqqında bilgilər sırasına ona daha öncə başçılıq etmiş şəxslər barədə bilgi əlavə edilməlidir.
2. Ziyarətçilərin qurumla əks əlaqəsini daha da asanlaşdırmaqdan ötrü buraya gəlmək üçün ictimai nəqliyyat barədə bilgi verilməsi məqsədəuyğun olardı.
3. Qurumun strukturunu sxematik şəkildə və daha ayrıntılı təqdim etmək lazımdır.
4. Qurumun rəhbəri ilə bərabər onun müavinləri və struktur bölmələrinin rəhbərləri haqqında da biogarfik bilgilər verilməsi zəruridir.
5. Qurumun cari fəaliyyətinə gəlincə qurumdaxili əmr və sərəncamlar və onların reyestri saytda əks olunmalıdır.
6. Ümumi dövlət büdcəsinin rəqəmlə ifadəsi və onun quruma aid hissəsinin ayrıntıları da saytda əks olunmalıdır.
7. Qurum tərəfindən təklif edilən xidmətlər haqqında da eyni fikri demək olar.
8. Boş iş yerləri və işə qəbul qaydaları haqqında saytda bilgi verilməsi mütləqdir.
9. Sahə işçilərinin əmək haqlarını burada əks etdirmək lazımdır.
10. Vətəndaşların qəbulu və qəbul qaydaları ilə bağlı bilgiləri sayta əlavə etmək vacibdir.
11. Tender və yarışmalar barədə də eyni fikri qeyd etmək olar.
12. Qurumun norma- (qanun)yaratma fəaliyyətini əks etdirmək vacibdir.
13. Saytın texniki imkanları sırasına abunə imkanı da əalvə etmək yaxşı olardı.