Azərbaycan Respublikası Dövlət Neft Şirkətinin www.socar.az domen ünvanlı İnternet resursunda axtarmaq istədiyiniz bilgilərin bir çoxuna rast gəlməsəniz təəccüblənməyin. Çünki texniki cəhətdən yaxşı tərtib olunmasına baxmayaraq bu saytda bir çox informasiyalar təqdim edilmir. Bununla belə sayt monitoringə dayanıqlı hesab edilə bilər. Ümumiyyətlə isə saytdakı mənzərə aşağıdakı kimidir:
1. Qurumun özü haqqında bilgilər yetərli sayıla biləcək qədərdir. Çatışmayan yalnız ona daha öncə başçılıq etmiş şəxslər barədə bilgilərdir.
2. Ziyarətçilərin qurumla əks əlaqəsi üçün geniş imkanlar təqdim edilir. Ancaq buraya gəlmək üçün ictimai nəqliyyat barədə bilgi yoxdur.
3. Qurumun strukturu yetərincə aydın təsvir edilmir.
4. Qurumun rəhbəri haqqında biografik bilgilər olsa da onun müavinləri və struktur bölmələrinin rəhbərləri haqqında bilgi yoxdur.
5. Qurumun cari fəaliyyəti yaxşı işıqlandırılır. Bununla belə qurumdaxili əmr və sərəncamlar və onların reyestri saytda öz əksini tapmayıb.
6. Ümumi dövlət büdcəsinin rəqəmlə ifadəsi və onun quruma aid hissəsi də saytda əks olunmur.
7. Qurum tərəfindən təklif edilən xidmətlər haqqında da eyni fikri demək olar.
8. Boş iş yerləri və işə qəbul qaydaları haqqında saytda bilgi yoxdur.
9. Sahə işçilərinin əmək haqları burada öz əksini tapmayıb.
10. Vətəndaşların qəbulu ilə bağlı heç bir bilgiyə rast gəlinmir.
11. Tender və yarışmalar barədə də heç nə deyilmir.
12. Qurumun norma- (qanun)yaratma fəaliyyəti saytda əks olunmur.
13. Saytın texniki imkanları yetərli sayıla biləcək səviyyədədir. Ancaq burada abunə imkanı təklif edilmir.