Azərbaycan Respublikası Əmlak Məsələləri Dövlət Komitəsinin www.stateproperty.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası Əmlak Məsələləri Dövlət Komitəsinin www.stateproperty.gov.az domen ünvanlı İnternet resursu, icmal hissəsində qeyd etdiyimiz kimi, ilk baxışdan özünün üstün məziyyətləri ilə diqqəti cəlb edir. Bununla belə saytda bir çox çatışmazlıqlar da var ki, onların aradan qaldırılması heç də imkansız deyil. Onu nəzərə alaraq Komitənin saytının təkmilləşdirilməsi ilə bağlı bəzi tövsiyələrimizi diqqətə çatdırmaq istərdik:

1. Qurumun özü haqqında bilgilər ona daha öncə başçılıq etmiş şəxslər barədə bilgi də əlavə edilməlidir.

2. Ziyarətçilərin əks əlaqəsi üçün ümumi imkanlarla yanaşı ayrı-ayrı struktur bölmələri ilə əlaqə vasitələri və qurumun ünvanının marşrut və sxemini təklif etmək lazımdır.

3. Qurumun strukturunu sxematik şəkildə ayrıca təsvir etmək gərəklidir.

4. Rəhbər və rəhbər işçilər, həmçinin struktur bölmələrinin rəhbərləri barədə biografik bilgi verilməsi vacibdir.

5. Qurumun cari fəaliyyətinə gəlincə qurumdaxili əmr və sərəncamlar, həmçinin onun həyata keçirdiyi proqram və layihələr barədə də bilgi verilməlidir.

6. Ümumi dövlət büdcəsinin rəqəmlə ifadəsi və onun quruma aid hissəsi haqqında geniş bilgilər saytda əks olunmalıdır.

7. Qurum tərəfindən təklif edilən xidmətlər haqqında bilgiləri daha ayrıntılı və tam şəkildə təqdim etmək vacibdir.

8. Sahə işçilərinin əmək haqları barədə bilgi verilməlidir.

9. Vətəndaşların qəbul günləri və saatları ilə bərabər qəbul qaydaları və qəbuldan imtinanın əsasları haqqında da bilgi verilməlidir.

10. Tender və müsabiqələrlə bağlı elanlarla bərabər onların ümumi qaydaları ayrıca təsvir edilməlidir.

11. Qurumun norma- (qanun)yaratma fəaliyyəti barədə bilgi verilməsi məqsədəuyğundur.

12. Saytın texniki göstəriciləri sırasına abunə imkanının əlavə edilməsi zəruridir.