Azərbaycan Respublikası Dövlət Neft Fondunun www.oilfund.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Monitoringin icmal hissəsindən də göründüyü kimi Azərbaycan Respublikası Dövlət Neft Fondunun www.oilfund.az domen adlı İnternet resursu elə də zəngin deyil.  Bununla belə o da qeyd edilməlidir ki, burada ən önəmli bilgilərdən sayılan büdcə məlumatları da var. Düzdür, bu da yetərincə ayrıntılı deyil, bununla belə hesab etmək olar ki, büdcə bilgiləri şəffaflıq üçün önəmlidir.

Saytın işinin təkmilləşdirilməsinə gəlincə isə, aşağıda bəzi tövsiyələrimizi diqqətə çatdırmaq istərdik:

1. Qurumu daha öncə də başçılıq etmiş şəxslər barədə bilgi verilməsi zəruridir.

2. Əks əlaqənin daha da asanlaşdırılması üçün ayrı-ayrı xidmət və altbölümlərin əlaqə vasitələri də göstərilsə, məsləhətdir.

3. Qurumun ünvanının marşrut və sxemini sayta əlavə etmək gərəkdir.

4. Qurumun strukturunun sxeminin verilməsi yetərli deyildir. Buraya ayrıntıları da əlavə etmək lazımdır.

5. Struktur bölmələri rəhbərləri barədə biografik bilgilərin saytda yerləşdirilməsi qanunun tələbidir.

6. Qurumdaxili əmr və sərəncamlar da saytda yerləşdirilərsə, işin xeyrinə olar.

7. Büdcənin daha ayrıntılı şəkildə təqdim edilməsinə zərurət var.

8. Qurum tərəfindən təklif edilən xidmətlər barədə də bilgi vermək lazımdır.

9. İşə qəbulla bağlı bilgiləri bir qədər də təkmilləşdirməyə gərək var.

10. Sahə işçilərinin əmək haqları ilə bağlı bilgilər saytda yerləşdirilsə, məqsədəuyğun olardı.

11. Vətəndaşların qəbulu ilə bağlı bilgilərin saytda olmaması bir qədər təəccüb doğurur.

12. Tender və müsabiqələr barədə bilgi verilməsi zəruridir.

13. Qurumun norma- (qanun)yaratma fəaliyyəti barədə ziyarətçiləri bilgiləndirmək də yerinə düşərdi.
14. Saytın texniki imkanları zəif olmasa da buraya bir abunə forması da əlavə etmək olar.