Azərbaycan Respublikası Bakı Şəhəri Nərimanov Bələdiyyəsinin www.narimanovbelediyyesi.az domen ünvanlı İnternet resursu ilk baxışdan yaxşı təsir bağışlasa da elə də ciddi dolğunluğa malik deyil. Saytda bəzi vacib informasiyalar yer alsa da bir çox daha vacib bilgilər çatışmır. Ümumilikdə də isə saytdakı mənzərə aşağıdakı kimidir:
1. Qurumun tarixi haqqında heç bir bilgi verilməyib. Üstəlik ona daha öncə başçılıq etmiş şəxslər barədə də bilgi yoxdur.
2. Ziyarətçilərin əks əlaqəsi üçün yalnız ümumi xarakterli əlaqə vasitələri göstərilib. Qurumun ünvanının marşrut və sxemi, həmçinin ora getmək üçün ictimai nəqliyyat imkanları haqqında bilgi verilmir.
3. Qurumun strukturu sxematik olaraq verilib. Ancaq struktur bölmələrinin rəhbərləri ilə əlaqə vasitələri haqqında heç nə deyilmir.
4. Rəhbər və struktur bölmələrinin rəhbərləri haqqında biografik bilgilər saytda yer alıb. Onlarla əks əlaqə üçün özəl vasitələr isə göstərilmir.
5. Qurumun cari fəaliyyəti faktiki olaraq saytda əks etdirilmir. Bundan başqa qurumdaxili əmr və sərəncamlar barədə də heç nə deyilmir. Daha bir çatışmazlıq qurumun həyata keçirdiyi proqram və layiəhələr barədə bilgilərin olduqca az olması ilə bağlıdır.
6. Qurumun büdcəsi və onun icra durumu haqqında bilgilər də yox dərəcəsindədir.
7. Qurum tərəfindən təklif edilən xidmətlər və onların qiymətləri haqqında saytda heç nə deyilmir.
8. Boş iş yerləri və işə qəbul qaydaları barədə də saytda bilgi yoxdur.
9. Sahə işçilərinin əmək haqları saytda öz əksini tapmayıb.
10. Vətəndaşların qəbul qaydaları və vaxtları barədə saytda bilgi verilmir.
11. Qurumun keçirdiyi tender və müsabiqələr haqqında heç bir bilgi yoxdur.
12. Eyni söz qurumun norma- (qanun)yaratma fəaliyyətinə də aiddir.
13. Saytın texniki imkanları nisbətən məqbul sayıla bilər. Yalnız burada çatışmayan abunə imkanıdır.