Azərbaycan Respublikası Bərdə Şəhər Bələdiyyəsinin berde.belediyye.az domen adlı İnternet resursu, icmaldan da anlaşıldığı kimi, heç də informasiya bolluğu ilə diqqəti cəlb etmir. Üstəlik saytda yeniləmənin də aparılmadığı dərhal nəzərə çarpır. Bununla belə saytın təkmilləşdirilməsi, daha doğrusu dolğun hala gətirilməsi imkanları da yox deyildir. Onu nəzərə alaraq aşağıda təkmilləşdirmə ilə bağlı bəzi tövsiyələrimizi qeyd edirik:
1. Ziyarətçilərin əks əlaqəsini daha da asanlaşdırmaq üçün qurumun ünvanının marşrut və sxemi, həmçinin ora gəlmək üçün ictimai nəqliyyat barədə bilgi verilməsi zəruridir.
2. Qurumun strukturunu sxem şəklində təqdim etmək vacibdir.
3. Qurumun cari fəaliyyəti ilə bağlı operativ bilgi verilməsi zəruridir.
4. Qurumun büdcəsi barədə ayrıntılı bilgilərin saytda yerləşdirilməsi vacibdir.
5. Qurumun təklif etdiyi xidmətlər barədə də eyni fikri səsləndirmək zorundayıq.
6. Boş iş yerləri və işə qəbul qaydaları barədə bilgi verilməlidir.
7. Sahə işçilərinin əmək haqlarını saytda əks etdirmək lazımdır.
8. Vətəndaşların qəbul qaydaları və qəbul vaxtları haqqında saytda bilgi yerləşdirmək lazımdır.
9. Qurumun keçirdiyi tender və müsabiqələr haqqında da bilgi verilməlidir.
10. Qurumun norma- (qanun)yaratma fəaliyyətini saytda əks etdirmək lazımdır.
11. Saytın texniki imkanları sırasına abunə təklifini də əlavə etmək işin xeyrinə olardı.