Azərbaycan Respublikası Auditorlar Palatasının www.audit.gov.az domen adlı İnternet saytının monitorinqinin yekunu /İCMAL/

Azərbaycan Respublikası Auditorlar Palatasının www.audit.gov.az domen adlı İnternet resursu özünün texniki imkanları və funksionallığı baxımından normal təsir bağışlayır. Bununla belə saytın bilgi tərkibi yetərli hesab ediləcək qədər deyil. Bir sıra bölmələr üzrə bilgi verilsə də bəzi bölmələr üzrə bu bilgilər tam deyil, bəziləri üzrə isə ümumiyyətlə yoxdur. Bu saytda da şəffaflıq üçün önəmli olan büdcə bilgiləri və əmək haqları barədə bir söz deyilmir. Bütün bunlarla bərabər saytın nisbətən normal durumda olduğunu söyləmək olar. Ümumilikdə isə sayt aşağıdakı kimi görünür.

1. Qurum haqqında bilgilər demək olar ki, tamdır. Onun tarixi, səlahiyyət çərçivələri və mövcudluğunu təmin edən qanunlar barədə yetərli bilgi var. Ancaq quruma daha öncə başçılıq etmiş şəxslər barədə bilgi yoxdur.

2. Ziyarətçilərin əks əlaqəsi üçün qurumun ünvanı tam olaraq verilib. Ancaq ayrı-ayrı xidmət və struktur bölmələrinin telefon nömrələri, e-poçt ünvanları yetərli deyil. Bundan başqa qurumun ünvanının marşrut və sxemi, ora gəlmək üçün ictimai nəqliyyat haqqında bilgi yoxdur.

3. Qurumun struktur vahidləri sxem şəklində təqdim edilir və onun struktur vahidləri tam olaraq təqdim edilir. Ancaq struktur bölmələrinin rəhbərləri, onların səlahiyyət çərçivələri və əlaqə vasitələri barədə bilgi verilmir.

4. Rəhbər və digər rəhbər işçilər haqqında bioqrafik bilgilər və qurumla ümumi əlaqə imkanları yetərli sayılacaq şəkildə təqdim edilir. Ancaq struktur bölmələrinin rəhbərləri haqqında bioqrafik bilgilər və struktur bölmələri ilə əlaqə imkanları təqdim edilmir.

5. Cari informasiyalar məsələsində saytın elə də çevik olduğunu demək olmaz. Üstəlik, qurumdaxili əmr və sərəncamlar, onların reyestri, həyata keçirilən proqram və layihələr barədə bilgilər də təqdim edilmir.

6. Ümumi dövlət büdcəsi ilə bağlı hər hansı bilgi yoxdur.

7. Qurum tərəfindən təklif edilməli olan mütləq xidmətlər barədə bilgi var. Ancaq əlavə xidmətlər haqqında və onlardan istifadə yolları barədə bilgi verilmir.

8. Boş iş yerləri və işə qəbulla bağlı bilgilər də verilmir.

9. Növbəti boş bölmə sahə işçilərinin əmək haqları barədədir.

10. Vətəndaşların qəbul günləri və saatları barədə bilgi təqdim edilir. Qəbul qaydaları, qəbuldan imtinanın əsasları və mübahisələrin həlli yolları haqqında isə bilgilər saytda əks etdirilmir.

11. Tender və yarışmalar haqqında da heç bir bilgi təqdim edilmir.

12. Təəssüf ki, qurumun norma- (qanun) yaratma fəaliyyəti haqqında da bilgilər verilmir.

13. Saytın texniki imkanları yaxşı dəyərləndirilə bilər. Onlayn müraciət forması da təqdim edilib. Ancaq abunə imkanı təqdim edilmir.