Azərbaycan Respublikası Auditorlar Palatasının www.audit.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası Auditorlar Palatasının www.audit.gov.az domen adlı İnternet saytı funksionallıq və texniki imkanlar baxımından yetərli sayılsa da onun bir sıra bölmələri üzrə bilginin yoxluğu, olan bölmələrdə isə təkmilləşdirmə ehtiyacının varlığı bu sayt üzərində daha ciddi işləməyin zəruri olduğunu aşkar edir. Saytın daha çevik və dolğun olması üçün ciddi zərurət hiss edilməkdədir. Bunu nəzərə alaraq aşağıda saytın təkmilləşdirilməsi ilə bağlı bəzi tövsiyələrimizi irəli sürürük.

1. Qurum haqqında bilgilərə ona daha öncə başçılıq etmiş şəxslər barədə bilgilərin əlavə edilməsi gərəklidir.

2. Ziyarətçilərin əks əlaqəsini asanlaşdırmaq üçün qurumun ünvanının marşrut və sxemi, ora gəlmək üçün ictimai nəqliyyat haqqında bilgi vermək gərəklidir. Bundan başqa ayrı-ayır struktur vahidləri ilə əlaqə vasitələrinin göstərilməsi faydalı olardı.

3. Qurumun struktur bölmələrinin rəhbərləri, onların səlahiyyət çərçivələri və əlaqə vasitələri barədə də bilgi verilməsi tövsiyə olunur.

4. Struktur bölmələrinin rəhbərləri haqqında bioqrafik bilgilər verilməlidir. Həm də struktur bölmələri ilə əlaqə imkanlarını ayrıca təqdim etmək lazımdır.

5. Cari informasiyalar məsələsində saytı daha çevik hala gətirmək lazımdır. Üstəlik, qurumdaxili əmr və sərəncamlar, onların reyestri, həyata keçirilən proqram və layihələr barədə də bilgi verilməlidir.

6. Büdcə ilə bağlı məsələlər haqqında bilgilərin təqdim edilməsi tövsiyə olunur.

7. Qurum tərəfindən təklif edilən əlavə xidmətlər haqqında və onlardan istifadə yolları barədə bilgilər təqdim edilməsi gərəkli olan informasiyalardandır.

8. Eyni sözləri boş iş yerləri və işə qəbulla bağlı bilgilərə də şamil etmək mümkündür.

9. Sahə işçilərinin əmək haqları barədə bilgilərin təqdim edilməsi də tövsiyə olunur.

10. Vətəndaşların qəbul şərtləri və qəbul günləri (saatları) barədə bilgilərə qəbul qaydaları, qəbuldan imtinanın əsasları və mübahisələrin həlli yolları haqqında da bilgi verilməlidir.

11. Tender və yarışmalar haqqında bilgilərin təqdim edilməsi tövsiyə olunur.

12. Növbəti boş bölmə qurumun norma- (qanun)yaratma fəaliyyəti haqqındadır.

13. Saytın texniki imkanları sırasına abunə imkanının da əlavə edilməsi faydalı olardı.