Azərbaycan Respublikası Ali Məhkəməsinin www.supremecourt.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

İcmal hissədən də göründüyü kimi, Azərbaycan Respublikası Ali Məhkəməsinin www.supremecourt.gov.az domen adlı İnternet saytı bir sıra göstəricilərinə görə normal olsa da daha vacib bölmələr üzrə bilgi çatışmazlığı dərhal nəzərə çarpır. Yəni burada şəffaflıq və aşkarlıq üçün gərəkli olan bilgilərin yoxluğu bunu deməyimizə əsas verir. Bununla belə saytın üzərində iş aparıb onu daha da təkmilləşdirmək imkanı yox deyil. İstər çevikliyin artırılması, istərsə də funksionallığın genişləndirilməsi baxımından sayt üzərində iş imkanları genişdir. Ona görə də aşağıda bu istiqamətdə bəzi tövsiyələrimizi təqdim edirik.

1. Qurum haqqında bilgilər bölməsində ona daha öncə başçılıq etmiş şəxslər barədə bilginin də əlavə edilməsi gərəklidir.

2. Ziyarətçilərin əks əlaqəsini daha da asanlaşdırmaq üçün quruma gələn ictimai nəqliyyat barədə bilgi verilməsi zəruridir.

3. Qurumun strukturunun sxemini tam şəkildə təqdim etmək lazımdır. Həm də struktur bölmələrinin rəhbərləri və onların səlahiyyət çərçivələri barədə də bilgi verilməsi yaxşı olardı.

4. Rəhbər işçilərdən hakimlərin bioqrafiyalarından əlavə qurumda çalışan və müxtəlif strukturlara başçılıq edən işçilər barədə də bioqrafik bilgilərin verilməsi tövsiyə olunur.

5. Cari informasiyalar məsələsində saytın daha çevik olması lazımdır. Həm də qurumdaxili əmr və sərəncamlar, qurumun icra etdiyi proqramlar barədə bilgi verilməlidir.

6. Yaxşı olardı ki, büdcə ilə bağlı məsələlər haqqında informasiyalar saytda işıqlandırılsın.

7. Qurumun təklif etdiyi pullu xidmətlərin siyahısı və onların qiymətləri barədə də bilgi verilməsinə ehtiyac duyulur. Xidmətlərdən istifadə üsulları barədə bilgilərin isə tamamlanması faydalı olardı.

8. Təqdim olunması gərəkli informasiyalardan biri boş iş yerləri və işə qəbulla bağlı bilgilərdir.

9. Sahə işçilərinin əmək haqları barədə bilgilərin təqdim edilməsi də tövsiyələr sırasındadır.

10. Yaxşı olardı ki, vətəndaşların qəbul qaydaları, qəbuldan imtinanın əsasları, mübahisələrin həlli yolları barədə də bilgilər təqdim edilsin.

11. tender və yarışmalar haqqında bilgilərin saytda əks olunması tövsiyələr sırasındadır.

12. Qurumun norma- (qanun)yaratma fəaliyyətinin işıqlandırılması da gərəklidir.

13. Saytın texniki imkanlarını bir qədər təkmilləşdirmək, buraya abunə imkanı da əlavə etmək lazımdır.