Azərbaycan Respublikası Prezidentinin www.president.gov.az domen adlı İnternet saytının fəaliyyətinin təkminləşdirilməsi ilə bağlı TÖVSİYƏLƏR

Azərbaycan Respublikası Prezidentinin www.president.gov.az ünvanlı İnternet saytı, icmalda da qeyd etdiyimiz kimi, ilk baxışdan zəngin və dolğun resurs təsiri bağışlasa da oradakı bir sıra çatışmazlıqlar da diqqətdən qaçmır. Yəni bəzi bölmələr üzrə bilgilər tam və dolğun təqdim edilməklə bərabər bir sıra bölmələr üzrə heç bir bilgi verilmir. Bu isə ən vacib dövlət qurumunun saytının hələ də təkmilləşdirilməsinə və tamlaşdırılmasına gərək olduğunu təsdiq edir. Ona görə də aşağıda bu saytın işinin daha yaxşı təşkil edilməsi üçün bəzi tövsiyələrimizi təqdim edirik:

1.    Dövlət qurumu ilə bağlı informasiya haqqında hər hansı tövsiyəyə gərək yoxdur.

2.     Ziyarətçilərin əks əlaqəsi üçün qurumun ünvanının marşrut və sxemini, müxtəlif istiqamətlərdən gələn ictimai nəqliyyat barədə bilgilər də verilməlidir.

3.    Dövlət qurumunun strukturu haqqındakı bilgilərdə isə çatışmayan strukturun ümumi sxemidir.

4.    Rəhbər və rəhbər işçilər onlarla əks əlaqə bilgiləri sırasına əks əlaqə ümumi imkanların yaxşılaşdırılması üçün ictimai nəqliyyat haqqında bilgilərin də əlavə edilməsi faydalı olardı.

5.    Dövlət qurumunun cari fəaliyyəti haqqında informasiyalar haqqında həmçinin qurumdaxili əmr və qərarlar, bu cür aktların reyestri (qəbul və qüvvəyə minmə tarixi də daxil olmaqla), qurumun həyata keçirdiyi proqram və layihələr haqqında da informasiyaların daxil edilməsi gərəklidir.

6.    şəffaflığın təmin edilməsi baxımından ümumi dövlət büdcəsinin quruma aid hissəsi və onun icrası üzrə dəqiq və tam bilgilər təqdim edilməlidir.

7.    Dövlət qurumu tərəfindən təklif edilən xidmətlər haqqında informasiyalar sırasına onlayn müraciət imkanı ilə bərabər qurumun təklif etməli olduğu mütləq xidmətlər, qurumu tərəfindən təklif edilən əlavə xidmətlər, elektron formada təklif olunan xidmətlər, xidmətlərin keyfiyyət göstəriciləri, qaynar xətt, xidmətlərdən istifadə qaydaları kimi informasiyaların da daxil edilməsi faydalı olardı.

8.    İşə qəbul qaydaları və boş iş yerləri haqqında isə qanunvericiliyin tələblərinə uyğun olaraq lazımlı informasiyalar dolğun şəkildə təqdim edilməlidir.

9.    Sahə işçilərinin əmək haqları barədə rəhbər, onun müavinləri və struktur bölmələri rəhbər işçilərinin mövcud tarif stavkası mütləq təqdim edilməlidir.

10.    Vətəndaşların qəbul şərtləri və qəbul günləri saatları haqında əlavə tövsiyəyə ehtiyac duyulmur.

11.    Şəffaflığın təmin edilməsi üçün daha bir imkanın tətbiqi baxımından Tender və yarışmaların keçirilməsi ilə bağlı bilgilər tam olaraq təqdim olunmalıdır.

12.    Dövlət qurumunun norma- (qanun)yaratma fəaliyyəti haqqında təqdim olunan bilgilərlə bərabər vətəndaşların bu prosesə cəlb edilməsi üçün digər göstəricilər üzrə bilgilər də verilməlidir.

13.    Saytın texniki imkanları mükəmməldir və bu barədə əlavə tövsiyəyə ehtiyac duyulmur.