Azərbaycan Respublikası Səhiyyə Nazirliyinin www.sehiyye.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası Səhiyyə Nazirliyinin www.sehiyye.gov.az ünvanlı İnternet saytı da, qeyd etdiyimiz kimi, yaxşı cəhətləri ilə seçilir. Saytda, əlbəttə ki, dolğun və tam bilgi verilən bölmələr çoxdur. Bununla belə, saytın çatışmayan yönləri də var. Elə həmin yönləri nəzərə alaraq aşağıda saytın təkmilləşdirilməsi üçün bəzi tövsiyələrimizi diqqətə çatdırmaq istərdik:

1.    Qurum ilə bağlı informasiyalar sırasına rəhbərlər haqqında ayrıntılı bioqrafik bilgilərin əlavə edilməsi tövsiyə olunur.

2.    Ziyarətçilərin qurum ilə əlaqəsinin yaxşılaşdırılması baxımından qurumun ünvanının marşrut və sxemi və quruma getmək üçün müxtəlif istiqamətlərdən gələn ictimai nəqliyyatlar barədə bilgilərin təqdim edilməsi gərəklidir

3.    Qurumun strukturu haqqında təqdim edilmiş bilgilər sırasına həmçinin qurumun alt bölmələri və regional strukturu və struktur bölmələrinin dəqiq ünvanları barədə bilgilərin daxil edilməsi yaxşı olardı.  

4.    Rəhbər və rəhbər işçilər onlarla əks əlaqə baxımından təqdim edilmiş gərəkli bilgilərlə bərabər bioqrafik bilgilərin də verilməsi faydalı olardı.

5.    Qurumun cari fəaliyyəti haqqında informasiyalar tam və dolğun şəkildə təqdim edildiyindən əlavə tövsiyəyə gərək duyulmur.

6.    Yaxşı olardı ki, ümumi dövlət büdcəsinin quruma aid hissəsi və onun icrası barədə bilgilər saytda əks etdirilsin.

7.    Qurum tərəfindən təklif edilən xidmətlər haqqında informasiyalar da tam şəkildə təqdim edildiyindən əlavə bir şərhə ehtiyac duyulmur.

8.    Təqdim edilməsi gərəkli olan informasiyalardan biri də işə qəbul qaydaları və boş iş yerləri haqqında olan bilgilərdir.

9.    Eyni tövsiyəni sahə işçilərinin əmək haqları barədə də demək olar.

10.    Növbəti tam və dolğun şəkildə təqdim edilmiş bilgilər vətəndaşların qəbul şərtləri və qəbul günləri (saatları) barədədir. Bunun üçün də heç bir tövsiyə söylənilmir.

11.    Yaxşı olardı ki, tender və yarışmaların keçirilməsi ilə bağlı qurum tərəfindən tender və yarışmaların keçirilmə qaydaları, tenderlərin keçirilməsi ilə bağlı elanlar, tender və yarışmaların nəticələri, elanların arxivi və tender və yarışmaların nəticələri ilə bağlı mübahisələrin həlli qaydaları  barədə bilgilər təqdim edilsin.

12.    Eyni sözləri qurumun norma- (qanun)yaratma fəaliyyəti barədə də demək olar. Burada qurumun cari norma- (qanun)yaratma fəaliyyəti, bütün mümkün normativ aktların layihələri, bu cür layihələrin müzakirəsində vətəndaşların iştirak şərtləri və qurumun norma- (qanun)yaratma fəaliyyəti ilə bağlı arxivin təqdim edilməsi gərəklidir.

13.    Saytın texniki imkanları sırasına abunə imkanının da əlavə edilməsi faydalı olardı.