Azərbaycan Respublikası Baş Dövlət Yol Polisi İdarəsinin www.dyp.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

posted by

Azərbaycan Respublikası Baş Dövlət Yol Polisi İdarəsinin www.dyp.gov.az domen adlı İnternet saytı heç də ümidləri doğruldacaq səviyyədə deyil. Qeyd etdiyimiz kimi, istər interaktivlik, istərsə də funksionallıq baxımında sayt çağdaş tələblərə cavab vermir. Bununla belə onun təkmilləşdirilməsi üçün imkanlar qalmaqdadır. Elə məhz bu durumu nəzərə alaraq aşağıda saytın təkmilləşdirilməsi üçün bəzi tövsiyələrimizi təqdim edirik.

1. Qurum haqqında bilgilərə ona daha öncə başçılıq etmiş şəxslər haqqında bilgilərin də əlavə edilməsinə ehtiyac var.

2. Ziyarətçilərin əks əlaqəsini asanlaşdırmaqdan ötrü quruma getmək üçün ictimai nəqliyyat, qurumun ünvanının marşrut və sxemi haqqında bilgi verilməsi gərəklidir.

3. Qurumunun strukturu, strukturunun sxemini, struktur vahidlərinin ünvanları və onların səlahiyyət çərçivələri haqqında bilgilərin təqdim edilməsi vacibdir.

4. Rəhbər və digər rəhbər işçilər haqqında bioqrafik bilgilərin, həmçinin onlarla əlaqə üçün imkanlar təklif edilməsi tövsiyə olunur.

5. Cari informasiyalar məsələsində saytın daha çevik olması lazımdır. Həm də qurumdaxili əmr və sərəncamlar, onların reyestri haqqında bilgi təqdim edilməlidir.

6. Büdcə ilə bağlı məsələlər haqqında bilgilərin təqdim edilməsi tövsiyə olunur.

7. Qurumun təklif etdiyi əlavə və pullu xidmətlər və onlardan istifadə yolları haqqında da bilgi verilməsi faydalı olardı.

8. Boş iş yerləri və işə qəbulla bağlı bilgilər təqdim edilməsi gərəkli olan informasiyalardan.

9. Sahə işçilərinin əmək haqları barədə bilgilərin təqdim edilməsi də tövsiyələr sırasındadır.

10. Vətəndaşların qəbul şərtləri və qəbul günləri (saatları) barədə də bilgilərin təqdim edilməsi tövsiyə olunur.

11. Tender və yarışmalar haqqında bilgilərin təqdim edilməsi faydalı olardı.

12. Qurumun norma- (qanun)yaratma fəaliyyəti barədə bilgilərin də təqdim edilməsi tövsiyələr sırasındadır.

13. Saytın funksionallıq və interaktivliyini yüksəltmək lazımdır. Həm də işlək abunə və onlayn yazışma imkanı təqdim edilməlidir.