Aşağı Güzdək Bələdiyyəsinin www.belediyye.com/ashagiguzdek domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Aşağı Güzdək Bələdiyyəsinin www.belediyye.com/ashagiguzdek domen adlı İnternet saytı, icmaldan da göründüyü kimi, faktiki olaraq bir zamanlar qurulub unudulan resurslardan biridir. Ona görə də bu sayt haqqında geniş tövsiyələr verməyə də zərurət qalmır. Çünki əgər sayt yaddan çıxıbsa, deməli veriləcək tövsiyələri də diqqətə alacaq kimsə yoxdur. Bununla belə aşağıda bəzi tövsiyələrimizi yenə də diqqətə çatdırırıq.

1. Qurum haqqında bilgilər bölməsində həm də onun hazırkı və öncəki rəhbərləri barədə bilgi verilməlidir. Bundan başqa qurumun səlahiyyət çərçivələri, mövcudluğunu təmin edən qanunverici baza haqqında da bilgi təqdim edilməlidir.

2. Ziyarətçilərin əks əlaqəsi üçün qurumun yerləşdiyi ünvan tam olaraq verilməsi gərəklidir. Bundan başqa ora gəlmək üçün ictimai nəqliyyat barədə bilgi vermək lazımdır. Üstəlik qurumun ünvanının marşrut və sxemi də təqdim edilməlidir.

3. Yaxşı olardı ki, qurumun strukturu haqqında bilgilər təqdim edilsin.

4. Rəhbər və digər rəhbər işçilər haqqında bioqrafik bilgilər geniş şəkildə təqdim edilməlidir.

5. Cari informasiyalar məsələsində saytın çevik hala gətirilməsi tövsiyə olunur.

6. Qurumun büdcəsi haqqında bilgilərin təqdim edilməsi yaxşı olardı.

7. Qurum tərəfindən təklif edilən xidmətlər haqqında bilgilərin təqdim edilməsi tövsiyələr sırasındadır.

8. Yaxşı olardı ki, qurumda işə qəbul qaydaları və boş iş yerləri haqqında bilgilər saytda işıqlandırılsın.

9. Sahə işçilərinin əmək haqları barədə bilgilərin təqdim edilməsi faydalı olardı.

10. Vətəndaşların qəbul şərtləri və qəbul günləri (saatları) haqqında da eyni sözləri demək olar.

11. Tender və yarışmaların keçirilməsi ilə bağlı bilgilər təqdim edilməsi gərəkli olan informasiyalardandır.

12. Qurumun norma- (qanun)yaratma fəaliyyətinin işıqlandırılması tövsiyələr sırasındadır.

13. Saytın texniki imkanları sırasına abunə imkanı da əlavə edilməlidir.