Azərbaycan Respublikası Şamaxı Rayon İcra Hakimiyyəti www.shamaxi-ih.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası Şamaxı Rayon İcra Hakimiyyəti www.shamaxi-ih.gov.az domen adlı İnternet resursu barədə əsas tövsiyələr resursa nəzarətin gücləndirilməsi, informasiyaların dolğunlaşdırılması və saytın təkmilləşdirilməsi barədədir. Digər bəndlər üzrə tövsiyələrimizi aşağıda qeyd edirik.  

1.    Rayon haqqında bilgilər yetərli sayıldığından əlavə tövsiyə söylənilmir. Ancaq qurum haqqında, qurumun öncəki rəhbərlər və qurumun əsasnaməsi barədə bilgilərin təqdim edilməsi tövsiyə olunur.  

2.    Ziyarətçilərin qurum ilə əks əlaqəsinin yaxşılaşdırılması baxımından yaxşı olardı ki, qurumun ünvanının sxemi, quruma başqa yerlərdən gəlmək üçün nəqliyyat vasitələri haqqında bilgilər də təqdim edilsin.

3.    Qurumun strukturu barədə isə qurumun alt bölmələri və yerli icra nümayəndəlikləri, struktur bölmələrinin səlahiyyət çərçivələri barədə bilgilərin əks etdirilməsi gərəklidir.     

4.    Rəhbər və rəhbər işçilər onlarla əks əlaqə barədə təqdim edilmiş bilgilərlə bərabər qurumun rəhbəri ilə əks əlaqə imkanı, vətəndaşların müraciətlərinə baxılma qaydası və rayondan seçilmiş millət vəkili haqqında məlumat və əlaqə imkanı  haqqında bilgilərin də əks etdirilməsi tövsiyə olunur.  

5.    Qurumun cari fəaliyyəti barədə bilgilərin operativ halda təqdim edilməsi və   qurumdaxili əmrlər, sərəncamlar və qərarlar barədə bilgilərin də əks etdirilməsi lazımlıdır.     

6.    Yaxşı olar ki, dövlət büdcəsinin quruma aid hissəsi və onun icrası haqqında bilgilər saytda öz əksini tapsın.

7.    Qurumun təklif etməli olduğu mütləq xidmətlər, qurum tərəfindən təklif edilən əlavə xidmətlər, elektron formada təklif olunan xidmətlər və xidmətlərdən istifadə qaydaları haqqında bilgilərin də təqdim edilməsi tövsiyə olunur.  

8.    Eyni tövsiyə boş iş yerləri və işə qəbulla bağlı qurum və onun struktur bölmələrinə işə qəbulun hüquqi bazası, işə qəbulun norma və qaydaları, işə qəbulla bağlı mümkün komissiyalar haqqında, qurum və onun struktur bölmələrindəki mövcud boş iş yerləri haqqında elanlar barədə bilgilərə aid edilir.

9.    Sahə işçilərinin əmək haqları barədə bilgilərin işıqlandırılması tövsiyələr sırasındadır.     

10.    Vətəndaşların qəbul şərtləri və qəbul günləri (saatları) haqqında qurumda vətəndaşların qəbul qaydaları və vəzifəli şəxslər tərəfindən vətəndaşların qəbul norma və qaydaları barədə ümumi bilgilərin sayta daxil edilməsi yaxşı olardı.     

11.    Həmçinin tender və yarışmaların keçirilməsi ilə bağlı elanlar, qurum tərəfindən tender və yarışmaların keçirilmə qaydaları və dövlət orqanları tərəfindən tender və yarışmaların keçirilməsinin qaydaları ilə bağlı ümumi informasiyaların da saytda əks etdirilməsi tövsiyə olunur.   

12.    Saytın texniki imkanlarının zənginləşdirilməsi və onlayn müraciət forması və abunə imkanının da təqdim edilməsi tövsiyə olunur.