Azərbaycan Respublikası Şəki Şəhər İcra Hakimiyyəti www.sheki-ih.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası Şəki Şəhər İcra Hakimiyyəti www.sheki-ih.gov.az ünvanlı İnternet resursu, qeyd etdiyimiz kimi hal-hazıra qədər müşahidəsini apardığımız saytlardan fərqli yaxşı mənada fərqlənir. Bu saytın texniki imkanları da yaxşıdır. Yəni onun çatışmayan yönlərini aradan qaldırmaqla daha zəngin bir hala gətirmək olar. Ümumi olaraq rəyimiz bundan ibarətdir ki, bu resursu təkmilləşdirmək olar. Ona görə də aşağıda bəzi tövsiyələrimizi təqdim edirik:

1.    Qurum ilə bağlı təqdim edilmiş bilgilər yetərli olduğundan əlavə bir tövsiyəyə gərək duyulmur.

2.    Ziyarətçilərin qurum ilə əlaqə saxlaması üçün də bilgilər tam şəkildə olduğundan tövsiyəyə gərək duyulmur.  

3.    Qurumun strukturu barədə qurumun alt bölmələri və yerli icra nümayəndəlikləri, struktur bölmələrinin rəhbərləri və onlarla əlaqə saxlamaq üçün imkanlar, əsas idarə və müəssisələr, banklar, təhsil və mədəniyyət qurumları və bələdiyyələr haqqında məlumatlar tamdır və tövsiyəyə gərək duyulmur. Ancaq struktur bölmələrinin səlahiyyət çərçivələri haqqında ayrıca bilgi verilməsi tövsiyə olunur.

4.    Rəhbər və rəhbər işçilər onlarla əks əlaqə haqqında təqdim edilmiş bilgilər sırasına struktur bölmələrinin rəhbərləri haqqında bioqrafik bilgilər və şəhərdən seçilmiş millət vəkili haqqında məlumat və əlaqə imkanı haqqında  məlumatların da daxil edilməsi tövsiyə olunur.

5.    Qurumun cari fəaliyyəti haqqında qurumdaxili əmrlər, sərəncamlar və qərarlar, şəhərin ictimai-siyasi qurumları, media qurumları haqqında bilgilərin də təqdim edilməsi yaxşı olardı.

6.    Yaxşı olardı ki, ümumi dövlət büdcəsinin icra hakimiyyətinə aid hissəsi və onun icrası barədə bilgilər saytda yer alsın.  

7.    Qurumun təklif etməli olduğu mütləq xidmətlər, icra hakimiyyəti tərəfindən təklif edilən əlavə xidmətlər, elektron formada təklif olunan xidmətlər və xidmətlərdən istifadə qaydaları barədə bilgilərin əks etdirilməsi tövsiyələr sırasındadır.

8.    İşə qəbul qaydaları və boş iş yerləri haqqında icra hakimiyyəti və onun struktur bölmələrinə işə qəbulun hüquqi bazası, işə qəbulun norma və qaydaları, işə qəbulla bağlı mümkün komissiyalar haqqında bilgilərin təqdim edilməsi gərəklidir.  

9.    Daha bir tövsiyə sahə işçilərinin əmək haqları barədə bilgilərin təqdim e ilməsi ilə bağlıdır.  

10.    Vətəndaşların qəbul şərtləri və qəbul günləri (saatları) haqqında isə vəzifəli şəxslər tərəfindən vətəndaşların qəbul norma və qaydaları barədə ümumi bilgilərin də təqdim edilməsi tövsiyə olunur.

11.    Tender və yarışmaların keçirilməsi ilə bağlı olan dövlət orqanları tərəfindən tender və yarışmaların keçirilməsinin qaydaları ilə bağlı ümumi informasiya, qurum tərəfindən tender və yarışmaların keçirilmə qaydaları və tenderlərin keçirilməsi ilə bağlı elanlar haqqında məlumatların verilməsi yaxşı olardı.

12.    Saytın texniki imkanları ilə bərabər abunə imkanın da təqdim edilməsi tövsiyə olunur.