Səhiyyə Nazirliyinin www.health.gov.az və sehiyye.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

1. Səhiyyə nazirliyinin tarixi və qurumun əsasnaməsi haqqında bilgi mövcud olduğu üçün bu barədə tövsiyyəyə ehtiyac yoxdur. Dövlət qurumunun rəhbəri, onun müavinləri, kollegiya üzvləri haqda avtobioqrafik bilgilərin verilməsi tövsiyyə olunur.

2. Qurumla ümumi və struktur əlaqə növləri mövcuddur, onlayn əlaqə və Qaynar xətt də var. Catışmayan  cəhət- qurumun və strukturlarının yerləşdiyi ünvana getmək üçün marşrut növünün təqdim olunması tövsiyyələr sırasındadır.

3. Qurumun ümumi strukturu və strukturlarla əlaqə vasitələri mövcud olduğu üçün heç bir tövsiyyəyə ehtiyac duyulmur.

4. Qurumun rəhbəri və müavinləri barədə, həmçinin kollegiya üzvləri barədə avtobioqrafik məlumatlara rast gəlinmir. Bundan başqa onlarla  əlaqə vasitələri, nə telefon, nə onlayn əlaqələrin olması yaxşı olardı. Amma sturktur  rəhbərləri və digər təşkilatlarla əlaqə vasitələri mövcuddur.

5. Qurumun mətbuata açıqlama tezliyi və qurumdaxili əmr və qərarlar mövcud olduğu üçün əlavə tövsiyyəyə ehtiyac yoxdur.

6. Qurumun dövlət büdcəsindən maliyyələşdirildiyi göstərilsə də, bu barədə geniş məlumata ehtiyac var.

7. Qurumun təklif etdiyi mütləq xidmətlər, onlayn müraciət, qaynar xətt mövcud olduğu üçün bu kriteriya üzrə tövsiyyəyə lüzum görülmür.

8. Dövlət qurumu və onun struktur bölmələrinə işə qəbulla bağlı, həmçinin boş iş yerləri haqda bilgi verilmişdir. Bu sahədə tövsiyyəyə ehtiyac yoxdur.

9. Çox yaxşı olardı ki, qurumun rəhbəri, onun müavinləri və struktur bölmələrinin rəhbər işçilərinin mövcud tarif stavkası göstəriləydi.

10. Dövlət qurumunun ayrı-ayrı vəzifəli şəxsləri tərəfindən vətəndaşların qəbul günləri və saatları göstərildiyi üçün əlavə tövsiyyə də yoxdur.

11. Tenderlərin, hərracların keçirilməsi ilə bağlı elanlar və nəticələri var, amma tender və yarışmaların nəticələri ilə bağlı mübahisələrin həlli qaydaları yoxdur. Bu da göstərilsəydi, pis olmazdı.

12. Dövlət qurumunun cari norma- (qanun) yaratma fəaliyyəti olduğu üçün heç bir əlavə tövsiyyəyə gərək duyulmur.

13. Dövlət qurumunun İnternet resurslarının mövcud qaydalara uyğunluğu var. Qurumun sosial mediada-fasebook, tvitter və d. şəbəkələrdə səhifəsi kifayət qədər aktiv və dolğundur. Nazirlikdə baş verən bütün tədbirlər, məlumat və elanlar sosial şəbəkədə operativ olaraq yayılır və həm də qurumun səhifəsindən birbaşa sosial səhifələrə giriş mövcuddur  ki, bu da qurumun iş aktivliyinin göstəricisidir. Saytda həmçinin onlayn konfrans da aparılır. Sayt texniki baxımdan ağır işləyir, yəni digər saytlarla müqayisədə gec açılır. Abunə imkanları yoxdur. Sonuncu bu iki imkana da diqqət yetirilməsi tövsiyyə olunandır.