Azərbaycan Dəmir Yolları QSC-nin www.railway.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Dəmir Yolları QSC-nin www.railway.gov.az ünvanlı İnternet saytı ziyarətçilər üçün dolğun və təkmildir. Saytda e-xidmətlərin olması, həmçinin, rəhbərliklə əlaqə saxlamaq baxımından bütün rəhbər işçilərin, struktur rəhbərlərinin  telefon nömrələrinin və onlayn müraciət formalarının verilməsi təqdirəlayiq haldır. Yəni saytın texniki şərtləri gərəkli bilgiləri lazım olan şəkildə təqdim etməyə imkan verir. Bunu nəzərə alaraq aşağıda bu yöndə bəzi tövsiyyələrimizi təqdim edirik:

1. Qurum ilə bağlı informasiyalar yetərli sayılacaq qədərdir. Bunun üçün də əlavə bir tövsiyyəyə ehtiyac duyulmur.

 2. Ziyarətçilərin qurum ilə əlaqə saxlaması üçün təqdim edilmiş bilgilər sırasına quruma gəlmək üçün ictimai nəqliyyat haqqında da bilgilərin daxil edilməsi nəticəsində bu bölmə dolğunlaşmış olar.

 3. Qurumun strukturu haqqında  lazımi bilgilər təqdim edildiyi üçün əlavə tövsiyyəyə gərək duyulmur.

 4.      Rəhbər işçilər, onlarla əks əlaqə, struktur bölmələrinin rəhbərləri ilə əlaqələr mövcuddur. Amma struktur rəhbərləri haqqında bioqrafik bilgilərin də təqdim edilməsi gərəklidir.

 5. Qurumun cari fəaliyyəti haqqında təqdim edilən informasiyalar yetərli olduğundan əlavə bir tövsiyyəyə ehtiyac yoxdur.

 6. Qurumun dövlət büdcəsi haqqında ümumi məlumat verilsə də,  onun icrası barədə ayrıntılı bilgilərin  saytda əks etdirilməsi yaxşı olardı.

 7. Qurum tərəfindən təklif edilən xidmətlər və əlavə xidmətlər  haqqında informasiyalar təqdim edildiyi üçün əlavə tövsiyyəyə ehtiyac duyulmur.

 8. İşə qəbul qaydaları və boş iş yerləri haqqında, həmçinin işə qəbulla bağlı  komissiyalar haqqında, dövlət qurumu və onun struktur bölmələrindəki mövcud boş iş yerləri haqqında elanlar və boş iş yerləri haqqında elanların arxivi barədə bilgilərin verilməsi tövsiyyə olunur.

 9. Sahə işçilərinin əmək haqları barədə bilgilərin verilməsi də tövsiyyələr sırasındadır.

 10. Vətəndaşların qəbul şərtləri və qəbul günləri (saatları) barədə məlumatlara da rast gəlinmir. Bu barədə də bilgilərin verilməsi tövsiyyələr sırasındadır.

 11. Tender və yarışmaların keçirilməsi ilə bağlı bilgilərə saytda rast gəlinmədiyindən bu sahə üzrə də məlumatların  verilməsi faydalı olardı.

 12. Qurumun norma- (qanun)yaratma fəaliyyəti barədə verilən məlmatlar yetərli sayıla bilər. Buna görə əlavə tövsiyyəyə ehtiyac duyulmur.

 13. Saytın texniki imkanları sırasına  abunə imkanının da əlavə edilməsi lazımlıdır.