www.mys.gov.az – Azərbaycan Respublikası Gənclər və İdman Nazirlyinin İnternet saytı

Azərbaycan Respublikası Gənclər və İdman Nazirlyinin İnternet saytı olduqca kasad və zəif təsir bağışlayır. Saytda demək olar ki, lazımi informasiya tapmaq mümkün deyil. Sadəcə bəzi keçirilmiş və keçiriləcək tədbirlər haqqında informasiyaları nisbətən dəyərli saymaq olar. Axtarış qutusu var. Nazirliyin özü haqqında heç bir bilgi yoxdur. Heç bir ünvan və telefon nömrəsi də gözə dəymir. Tender, işə qəbul və boş iş yerləri haqqında isə heç danışmağa dəyməz. Bir sözlə bu sayt alayarımçıq həvəskar işi təsir bağışlayır və bir neçə bölmədən ibarətdir:

• Nazirlik: boşdur
• Xəbərlər: ümumi xarakterli son xəbərlər
• Tədbirlər: keçirilən tədbirlər (nazirlik üzrə, idman növləri üzrə), planlaşdırılan tədbirlər (nazirlik üzrə, idman növləri üzrə)
• Sənədlər: Azərbaycan Respublikasının Qanunu (?), Azərbaycan Respublikası Prezidentinin Qanunu (!?), Azərbaycan Respublikası Prezidentinin Fərmanı (?), Azərbaycan Respublikası Prezidentinin Sərəncamı (?), Azərbaycan Respublikası Milli Məclisinin Qanunu (!?), Azərbaycan Respublikası Milli Məclisinin Qərarı (?), Azərbaycan Respublikası Nazirlər Kabinetinin Sərəncamı (?), Azərbaycan Respublikası Nazirlər Kabinetinin Qərarı (?), Azərbaycan Respublikası Gənclər, İdman və Turizm Nazirliyi Kollegiyasının Qərarı (?), əsasnamələr, bəyanatlar, bizim loqotiplər, ərizə və digər sənədlərin nümunə və qaydaları
• Mətbuat: "İdman" qəzeti – Azərbaycan Respublikasi Gənclər və İdman Nazirliyi və Milli Olimpiya Komitəsinin orqanı, qəzetlər bizdən nə yazır, press-relizlәr

Göründüyü kimi saytda nəinki ayrı-ayrı vəzifəli şəxslərin, hətta gənclər və idman nazirinin özünün belə adı yoxdur.