Azərbaycan Respublikası Mərkəzi Seçki Komissiyasının (MSK) İnternet saytı mövcud dövlət İnternet resursları arasında bəlkə də ən çox ziyarətçisi olanlardandır. Xüsusən də seçki dövründə bu sayta müraciətlər daha çox olur. Saytda seçkilərlə bağlı demək olar ki, bütün bilgiləri əldə etmək mümkündür. Ancaq bu o demək deyil ki, MSK-nın saytı tam mükəmməldir. Beləliklə, sayt yuxarı və sol menyu ilə açılır. Bütün səhifələrdə e-poçt da daxil olmaqla MSK-nın ünvanı və telefon nömrələri verilib. Orta sütunda son xəbərlər, sağda isə dairələrin siyahısı, foto-galereya və “Seçkilər” İnformasiya Mərkəzinin saytına keçid yer alıb. Saytda axtarış qutusu gözə dəymir. Tenderlər, işə qəbul və boş iş yerləri haqqında da heç bir bilgi yoxdur. Saytda aşağıdakı bölmələr yer alıb:
Üst menyu:
• Azərbaycan: milli atributlar, tarix və mədəniyyət
• Akkreditasiya: beynəlxalq müşahidəçilər üçün ərizə forması, beynəlxalq müşahidəçiləri müşaiyət edən tərcüməçi üçün ərizə forması
• Qanunvericilik: Konstitusiya, Seçki Məcəlləsi, əsasnamə və qayda
• Seçki xəbərləri: bəyanatlar, mətbuat bülleteni
• Seçki sənədləri: prezident seçkisi – 2003, Milli Məclisə əlavə seçki, bələdiyyə seçkiləri – 2004, MM-ə seçkilər – 2005, MM-ə təkrar seçki, bələdiyyə seçkiləri – 2006, digər sənədlər
• Əlaqə: MSK, beynəlxalq əlaqələr şöbəsi, hüquq şöbəsi, mətbuat şöbəsi və təşkilat şöbəsinin ayrı-ayrı e-poçt ünvanları
Sol menyu:
• Fəaliyyət və səlahiyyət: MSK-nın faəliyyətinin qanunverici əsasları
• MSK-nın tərkibi: MSK-nın 13 üzvü haqqında bir neçə cümləlik bilgi və şəkilləri
• MSK-nın aparatı: təşkilat şöbəsi, hüquq şöbəsi, beynəlxalq əlaqələr şobəsi, ümumi şöbə, mətbuat və nəşr şöbəsi, informasiya təminati şöbəsi, təsərrüfat şöbəsi, maliyyə şöbəsi
• Fərman və sərəncamlar: prezidentin üç sərəncamı
• Bələdiyyə seçkiləri – 2006: qərarlar, təlimatlar, təqvim planı
• MSK-nın qərarları: ümumi, bələdiyyələrə təkrar, əlavə, yeni və ilk seçkilər (06.10.2006), Milli Məclisə təkrar seçkilər (13.05.2006), Milli Məclisə seçkilər (06.11.2005), bələdiyyə seçkiləri (17.12.2004), Milli Məclisə əlavə seçkilər (19.10.2004), prezident seçkiləri (15.10.2003)
• Seçkilər / Referendumlar: 1991 – 2003-cü illər arasında keçirilən seçki və referendumlar haqqında