Azərbaycan Respublikası Müdafiə Sənayesi Nazirliyinin www.mdi.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası Müdafiə Sənayesi Nazirliyinin www.mdi.gov.az ünvanlı İnternet saytı, icmal hissədə də qeyd etdiyimiz kimi, yeni qurulur. Saytdakı bölmələrin tam doldurulmaması bunun göstəricisidir. Saytda diqqətimizi çəkən sahə qurumun Müəssisələrimiz adlı bölməsinin ayrıca təqdim olunmasıdır. Bu bölmədə quruma aid müəssisələrin ünvanları, onlayn yazışma formaları və barələrində qısa məlumatlar təqdim edilir. Lakin yaxşı olardı ki, həmin müəssisələrin ayrıca saytları da hazırlansın və qurumun saytından birbaşa həmin saytlara keçid olsun. Saytda e-xidmətlərin də ayrıca  verilməsini onun üstünlüklərindən biri hesab etmək olar. Bununla belə, saytda bəzi çatışmazlıqlar da müşahidə edilməkdədir. Bunu nəzərə alaraq aşağıda bu yöndə bəzi tövsiyələrimizi təqdim edirik:

 1. Qurum ilə bağlı informasiyalar yetərli sayıla bilər. Bunun üçün də əlavə bir tövsiyəyə ehtiyac duyulmur.

 2. Ziyarətçilərin qurum ilə əlaqə saxlaması üçün təqdim edilmiş bilgilər sırasına quruma gəlmək üçün ictimai nəqliyyat haqqında da bilgilərin daxil edilməsi nəticəsində bu bölmə dolğunlaşmış olar.

 3. Qurumun strukturu haqqında isə digər çatışmayan bilgilərin də təqdim edilməsi tövsiyə olunur.

 4. Rəhbər işçilər, onlarla əks əlaqə, struktur bölmələrinin rəhbərləri, həmçinin, aparat və kollegiya rəhbərləri haqqında bioqrafik bilgilərin, əks əlaqə imkanlarının da təqdim edildiyi üçün əlavə tövsiyə verilmir.

 5. Qurumun cari fəaliyyəti haqqında təqdim edilən informasiyalar yetərli olduğundan əlavə bir tövsiyəyə gərək yoxdur.

 6. Yaxşı olardı ki, ümumi dövlət büdcəsinin quruma aid hissəsi və onun icrası barədə bilgilər saytda əks etdirilsin.

 7. Qurum tərəfindən təklif edilən xidmətlər haqqında informasiyalar təqdim edilir.  Qaynar xəttin mövcudluğu, onlayn müraciət imkanı və xidmətlərdən istifadə qaydaları təqdim edildiyi üçün əlavə tövsiyəyə ehtiyac duyulmur.

 8. İşə qəbul qaydaları və boş iş yerləri haqqında elanlar, məlumatlar təqdim olunmur.  Yaxşı olardı ki, bu sahədə də məlumatlar təqdim olunaydı.

 9. Sahə işçilərinin əmək haqları barədə bilgilərin verilməsi də tövsiyələr sırasındadır.

10. Vətəndaşların qəbul şərtləri və qəbul günləri (saatları) barədə bilgilər təqdim edildiyi üçün burada da əlavə tövsiyə verilmir.

 11. Tender və yarışmaların keçirilməsi elanları, qaydaları və nəticələri ilə bağlı bilgilər təqdim olunmyan bilgilərdəndir. Bu üzdən də tövsiyə olunur ki, bu haqda məlumatlar saytda əks olunsun.

 12. Qurumun norma- (qanun)yaratma fəaliyyəti barədə bilgilər də əks etdirilməyən bilgilər sırasındadır. Yaxşı olarıd ki, bu sahədə də məlumatlar təqdim olunsun.

 13. Saytın texniki imkanları sırasına  abunə imkanı və sosial şəbəkələrdə səhifəsi da əlavə olunsaydı yaxşı olardı.