Ədliyyə Nazirliyinin www.justice.gov.az domen adlı İnternet saytının monitorinqinin yekunu /İCMAL/

Azərbaycan Respublikası Əldiyyə Nazirliyinin rəsmi intenret ünvanı olan www.justice.gov.az saytı çox səliqəli və nizamlı qaydada hazırlanmışdır. Sayt məlumat bolluğu və vətəndaş cəmiyyətinə açıqlığı ilə diqqəti cəlb edir. Saytın ön səhifəsində gözəgələn yerdə qaynar xətt, e-poçt və dövlət rüsumu bölmələrinin verilməsi çox təqdirəlayiqdir. Saytda vətəndaşların qəbulu, nazirliyin rəhbərindən başlayaraq, struktur və təşkilatlarının bütün əks-əlaqə vasitələri verilmişdir. Bundan əlavə, saytda əvvəlki illərlə müqayisədə bir çox yeniliklər də gözə çarpır. Məsələn, Elektron Xidmətlər bölümündə yaradılan yeni Azərbaycan adları haqqında məlumat; Mətbu nəşrlərin uçotu üçün müraciətlərin və sənədlərin qəbulu; Qrantların qeydiyyatı üçün elektron müraciət; Borcun, icra ödənişlərinin internetlə ödənilməsi və s. bölümlər yeni yaradılmışdır. Vətəndaşlara geniş məlumat vermək baxımından yaradılan bu bölümlərdən ictimaiyyətin faydalanacağına inanırıq.

Beləliklə, Azərbaycan Respublikası Ədliyyə Nazirliyinin saytında vəziyyət belədir:

1. Saytın tarixi bölməsində nazirliyin tarixi haqqında bilgilərlə yanaşı, nazirliyin muzeyinin bloqu mövcuddur və bu bloqda muzeydə olan eksponatların sayı, fotoşəkilləri, həmçinin, muzeyin tarixi barəsində bilgilərə rast gəlinir. Saytda cənab nazirdən  başlayaraq, aparat rəhbərliyi, kollegiya və bütün strukturların rəhbərləri haqqında geniş məlumatlara və əlaqə vasitələrinə rast gəlinir. Qurum rəhbərinin telefon nömrələri və e-poçt ünvanı birbaşa tərcümeyi-halının altında yazılıb ki, bu, təqdirəlayiq haldır. Qurumun əsasnamə və məramnaməsi də dolğundur.

2. Nazirliyin, struktur təşkilatlarının və alt qurumların, həmçinin region təşkilatlarının dəqiq ünvanlarını, telefon nömrələrini və elektron-poçt ünvanlarını saytdan asanlıqla əldə etmək mümkündür. Saytda qurumun ünvanı xəritədə göstərilib, lakin həmin ünvanlara gəlmək üçün nəqliyyat marşrutları göstərilməyib.

3. Saytın strukturu dolğun şəkildə  təqdim olunub. Həmçinin, alt bölmələr və regional struktur da onların rəhbərlərinin əlaqə vasitlələri ilə birlikdə təqdim olunub. Qurumun “Qeydiyyat və Notariat” Baş İdarəsinin ayrıca saytı fəaliyyət göstərir. Saytda qurumun rəhbərinin yerlərdə vətəndaşlarla görüşünün videoçəkilişləri yerləşdirlib ki, bu da saytı həm dolğun edir, həm də nazirliyin vətəndaşlara açıqlığını nümayiş etdirir.

4. Qurumun saytında nazir və onun müavinləri, həmçinin, struktur rəhbərləri haqda dolğun bioqrafik məlumatlar və hər birinin ayrı-ayrılıqda əlaqə vasitələri telefon nömrələri və e-poçt ünvanları mövcuddur.

5. Saytda mətbuata verilən açıqlamalar, vətəndaşlarla qurum rəhbərinin görüşü haqda əvvəlcədən verilmiş elanlar yerləşdirilib.

6. Qurumun büdcəsinə və onun icrası barədə bilgiyə isə rast gəlinmir.

7. Dövlət qurumu tərəfindən təklif olunan xidmətlər kifayət qədərdir. Bu xidmətlərin dövlət rüsumları, elektron xidmətlərdən istifadə qaydaları, qaynar xətt və onlayn müraciətlə bağlı bir neçə e-poçt göstərilib.

8. Qurum işə qəbulla bağlı vakansiyaları, elan və müsabiqə şərtlərini tez-tez yeniləyir. İşə qəbulla bağlı boş yerlər haqqında bilgilər var və işə qəbul proseduru izah olunur. Bundan əlavə, işə qəbul ərizəsi və tələb olunan sənədlər göstərilib.

9. Qurum rəhbərliyinin əmək haqqı və tarif stavkası göstərilməyib.

10. Nazirliyin saytında cənab nazirin vətəndaşlarla açıq qapı günləri keçirməsi, vətəndaşları qəbulu haqda ətraflı materiallar yer alıb (foto və videoçəkilişlər), bundan başqa sual-cavab bölümündə vətəndaşları maraqlandıran suallara cavab verilib. Həmçinin, qurum rəhbərliyi tərəfindən vətəndaşların qəbul günləri və saatları göstərilib.

11. Tenderlər haqqında elanlar saytda verilib. Tenderlərin arxivi də mövcuddur. Amma tenderlərin nəticələrinə və bu nəticələrin mübahisəli həlli qaydalarına  rast gəlinmir.

12. Dövlət qurumunun norma yaratma fəaliyyəti, normativ aktların layihələri mövcuddur.

13. Dövlət qurumunun internet resursu mövcud qaydalara uyğundur. Domen və sayt daxilində axtarış, saytdan istifadə rahatlığı var, amma sosial şəbəkələrdə qurumun səhifəsi olsa da, çox aktiv sayıla bilməz. Abunə imkanları yoxdur, həmçinin sosial şəbəkələrə birbaşa çıxışı yoxdur.