Vergilər Nazirliyinin www.taxes.gov.az rəsmi internet saytının fəaliyyətinin təkmilləşdirilməsi ilə bağlı TÖVSİYƏLƏR

Vergilər Nazirliyinin www.taxes.gov.az rəsmi internet saytının fəaliyyətinin təkmilləşdirilməsi ilə bağlı
TÖVSİYƏLƏR

20 iyun 2007

Vergilər Nazirliyi www.taxes.gov.az domen adlı rəsmi internet saytının fəaliyyətinin daha da  təkmilləşdirilməsi üçün  “İnformasiya Azadlığının İnkişafı” Koalisiyası tərəfindən bəzi tövsiyələr edilmişdir:

Vergilər Nazirliyi haqqında

1. Ölkədə  mövcud  kompüterlərin böyük əksəriyyətinin gücü kifayət  qədər olmadığından zəngin informasiya  ehtiyatına  malik  internet resursun  daha sürətli  açılması imkanlarına  diqqət  yetirilməsi  faydalı olardı.

2. Ştat cədvəlinin daha  geniş  formada saytda yerləşdirilməsi  tövsiyə olunur.

3. Öz sahəsində dövlət sirri təşkil edən məlumatların saytda öz əksini tapması yaxşı olardı.

 Vergilər Nazirliyinin fəaliyyəti barədə. Büdcə və büdcə prognozları

1. Beynəlxalq müqavilələr və ya onların əsasında qəbul edilən normativ aktlar haqqında  informasiya verilməsi məqsədə uyğunudur.

2. Dövlət  satınalmaları, tenderlər haqında  daha  ətraflı  məlumatların  vsaytda  yerləşdirilməsi səmərəli olardı.

3. Dövlət büdcəsindən verilmiş vəsaitin xərclənməsi haqqında hesabatlar, planda nəzərdə tutulmuş istiqamət üzrə xərclənmiş büdcə haqqında ətraflı statistik məlumatlar göstərilsə faydalı olardı.

Xidmətlər

1. Online  xidmətlərin göstərilməsində kifayət  qədər  təcrübəsi olan bu qurum tərəfindən digər  xidmətlərin də interaktiv  və onlayn  formalarının yaradılması  faydalı olardı