Bakı Şəhər İcra Hakimiyyətinin www.bakucity.az rəsmi internet saytının fəaliyyətinin təkmilləşdirilməsi ilə bağlı
TÖVSİYƏLƏR
30 iyul 2007
Bakı Şəhər İcra Hakimiyyətinin www.bakucity.az domen adlı rəsmi internet saytında bəzi çatışmayan cəhətləri aradan qaldırmaq üçün “İnformasiya Azadlığının İnkişafı” Koalisiyası tərəfindən bir sıra tövsiyələr verilib:
Bakı Şəhər İcra Hakimiyyəti haqqında ümumi məlumatlar
• Saytın xəbərlər blokunda məlumat kəmiyyət cəhətdən artırılsa yaxşı oıardı.
• Gündəlik fəaliyyət eləcə də xəbərlərin ardıcıl olaraq dəyişdirilməsi m’qs’d’uyğun olardı
• Əksər istifadəçilər üçün İnternetin sürəti aşağı olduğundan fotoların sayına diqqət yetirmək , və ya saytın yalnız mətn rejimində işləməsi imkanlarının da yaradılmasına diqqət yetirmək faydalı olardı.
• Bakı Şəhər İcra Hakimiyyətinin vəzifəli şəxslərin adları, soyadları ilə yanaşı təhsil və ixtisasları barədə məlumatların verilməsi yaxşı olardı.
• Ştat cədvəlinin verilməsi məqsədəuyğun olardı.
• Bakı Şəhər İcra Hakimiyyətinin öz daxili əmr, sərəncam və qərarları haqqında məlumatların saytda yerləşdirilməsi yaxşı olardı.
• Qanunvericilikdə nəzərdə tutulduğu qaydada öz sahəsində dövlət sirri təşkil edən məlumatların siyahısının verilməsi tövsiyə olunur.
• Yaxşı olardı rəhbər işçilərin qəbul saatları və vətəndaşların qəbul qaydaları barədə məlumatlar veriləydi.
Bakı Şəhər İcra Hakimiyyətinin fəaliyyəti barədə hesabatlar. Büdcə və büdcə proqnozları
• Bakı Şəhər İcra Hakimiyyətinin balansında olan əmlak və əmlakın satılması eləcə də onun üzərində əmlak hüquqlarının dəyişməsi barədə məlumatların verilməsi faydalı olardı.
• Yaxşı olardı ki, tenderə aid məsələlər saytda öz əksini tapaydı.
• Keçirilən yoxlamalar haqqında məlumatların verilməsi faydalı olardı.
• Özünə aid olan informasiya resursları haqqında məlumatların verilməsi tövsiyə olunur.
• Hüquqi şəxslərə və qeyri-kommersiya təşkilatlarına, büdcədənkənar fondlara verilmiş vəsait haqqında məlumatın verilməsi yaxşı olardı.
• Yaxşı olardı ki, Bakı Şəhər İcra Hakimiyyətinin büdcəsi və onun icrası haqqında məlumatlar saytda nəzərdə tutulaydı.
• Qüvvədə olan əmək haqqı dərəcələri, əməyin ödənilməsinə dair təlimatlar, habelə əlavə haqların ödənilməsi qaydaları və xüsusi güzəştlər barədə məlumatların verilməsi faydalı olardı.
Göstərilən xidmətlərə dair məlumatlar.
• Göstərilən xidmətlərə dair məlumatlar saytda yenidən qurusa yaxşı olardı. Belə ki, saytın daha effektli olması üçün istifadəçilərlə əlaqə blokuna və online interaktiv xidmətlərə üstünlük verilməSİ səmərəli olardı. Sual, təklif və sorğuların icmalı verilməli və vətəndaşları maraqlandıran mümkün sahələrdə interaktiv xidmət göstərilməsi faydalı olardı.
• Eyni zamanda yaxşı olardı ki, müxtəlif xidmətlər, lisenziyalar, rüsumlar və onların doldurulmuş nümunələri saytda yerləşdirilsin.
Sayt olan texniki tələbatlar
• Digər dövlət orqanları, habelə aidiyyatı üzrə beynəlxalq təşkilatların saytlarına keçidlər qoyulması yaxşı olardı.