Otuzadək dövlət orqanının rəsmi internet resursunun Monitorinqi aparılıb.

06. 08. 2007

Multimedia

İnformasiya Sistemləri  və Texnologiyaları

Mərkəzinin

Məlumatı

    “İnformasiya  Azadlığının İnkişafı” Koalisiyası tərəfindən dövlət  orqanlarının internet  resurslarının Monitorinqi  davam edir.

    Monitorinq Koalisiya  tərəfindən  hazırlanan “Dövlət orqanlarının  İnternet  resurslarının Monitorinqinin Metodikası”na uyğun olaraq  gerçəkləşdirilir.    

    Metodika əsasən İnformasiya əldə  edilməsi haqqında Qanuna,  Dövlət  orqanlarının və Bələdiyyələrin İnternet resurslarının formalaşdırılması Qaydalarına  və beynəlxalq  təcrübəyə əsaslanaraq  hazırlanıb. Monitorinq zamanı  açıqlanması məcburi olan  informasiyaların İnternet resurslarda yerləşdirilməsinin, dövlət  xidmətlərinin elektron formada göstərilməsinin və internet resursların  çevikliyinin qiymətləndirilməsi həyata  keçirilir.

    Koalisiya tərəfindən indiyədək otuzadək dövlət  qurumunun ( Nazirlər  Kabineti , Milli  Məclis, nazirliklər,  dövlət  komitələri və s. ) rəsmi  internet resurslarının monitorinqi  aparılıb. Monitorinq  nəticəsində dövlət  qurumlarının rəsmi internet  resurslarının mövcud  vəziyyəti  analiz olunub və onların fəaliyyətinin daha  da  təkmilləşdirilməsi  məqsədilə müvafiq Tövsiyələr  hazırlanıb. İndiyədək aparılmış monitorinqin nəticələri və  müvafiq Tövsiyələr www.informasiya.org   saytında yerləşdirilib.  

    Monitorinqin yekunu olaraq növbəti  ayda dövlət  orqanlarının İnformasiya  Açıqlığı üzrə Reytinq Cədvəlinin tərtib olunması və ictimaiyyətə açıqlanması nəzərdə tutulub.

    Monitorinq  Counterpart İnternasional təşkilatı  tərəfindən  dəstəklənən “Vətəndaşların informasiya  azadlığının  gerçəkləşməsinə   dəstək” Layihəsi  çərçivəsində keçirilir.

    Daha  geniş məlumat www.informasiya.org   saytında yerləşdirilib.

Multimedia Mərkəzi

Tel: 492 44 44 

www.informasiya.org  

info@informasiya.org