Azərbaycan Respublikası Satınalmalar üzrə Dövlət Agentliyinin www.tender.gov.az domen adlı rəsmi internet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası Satınalmalar üzrə Dövlət Agentliyinin www.tender.gov.az domen adlı rəsmi internet saytının fəaliyyətinin təkmilləşdirilməsi ilə bağlı
TÖVSİYƏLƏR
11 avqust 2007

Azərbaycan Respublikası Satınalmalar üzrə Dövlət Agentliyinin www.tender.gov.az domen adlı rəsmi internet saytının monitorinqinə əsasən belə  qənaətə  gəlmək olur  ki, sayt  natamam hazırlanmış və dizayn, tərtibat və informasiya həcmi baxımdan çox zəif səviyyədədir. Eyni zamanda saytda İnformasiya əldə edilməsi  haqqında Qanunun və Nazirlər Kabinetinin dövlət saytlarına olan mövcud müvafiq tələbləri yerinə yetirilməyib.  Odur ki, saytın  qanunvericiliyin tələblərinə uyğun olataq  tamamilə  yenidən  qurulması üçün monitoring qrupu aşağıdakı tövsiyələri nəzərə almağı zəruri sayır:

1. Sayt yenidən qurulmalı, daha asan və anlaşıqlı olması üçün tədbirlər görülməlidir

2. İnteraktiv xidmətlərin azlığı nəzərə alınaraq texniki yeniləşmə edilməlidir. 

3. Azərbaycan Respublikası Satınalmalar üzrə Dövlət Agentliyinin strukturu, ayrı-ayrı struktur bölmələri haqqında dolğun məlumat verilməli və əlaqə vasitələri tam olaraq göstərilməlidir

4. Tender komissiyasının tərkibinə daxil olan Azərbaycan Respublikasının Maliyyə Nazirliyi, Azərbaycan Respublikasının İqtisadi İnkişaf Nazirliyi və tender predmetinə aidiyyatı olan müvafiq mərkəzi icra hakimiyyəti orqanlarının nümayəndələri  haqqında biografik bilgilər, onların qəbul günləri, saatları və qəbul qaydaları haqqında məlumatlar saytda öz əksini tapmalıdır

5. Saytın qanunvericilik bölməsinə beynəlxalq sənədlər də əlavə edilməlidir

6. Agentliyə müraciət (şikayət, təklif, ərizə) qayda və formaları, onlara baxılma üsulları haqqında bilgilər verilməlidir.

7. Şikayət, təklif və sorğuların icmalı, informasiya sorğularının tərtib olunması, qəbulu  və göndərilməsi  qaydaları haqqında məlumatlar yerləşdirilməlidir.

8. Agentliyə işə qəbul qaydaları əks olunmalıdır

9. Mövcud boş iş yerləri haqqında elanlar yerləşdirilməlidir

10. Agentliyə aid dövlət büdcəsinin   icmalı və icrası haqqında bilgilər yer almalıdır

11. Mətbuat xidməti və ya ictimaiyyətlə əlaqələr bölməsi xüsusi diqqəti cəlb edəcək şəkildə qurulmalı və bu xidmətlə əlaqə vasitələri verilməlidir

12. Ayrı-ayrı məsələlərlə bağlı qaynar xətt telefon nömrələri verilməlidir

13. Eyni zamanda xidmətlər, lisenziyalar, rüsumlar və onların doldurulmuş nümunələri verilməlidir.

14. Qüvvədə olan əmək haqqı dərəcələri, əməyin ödənilməsinə dair təlimatlar barədə məlumatlar olmalıdır.

15. Öz səlahiyyəti  daxilində  həyata keçirdiyi  yoxlamalar haqqında  məlumatlara yer verilməlidir.

16. Özəl hüquqi şəxslərə, qeyri-kommersiya təşkilatlarına, büdcədənkənar fondlara dövlət büdcəsindən verilmiş vəsait haqqında məlumat olmalıdır.

17. Dövlət orqanının səlahiyyətli nümayəndələrinin çıxışlarına  yer ayrılmalıdır.

18. Saytda axtarış sistemi yaradılmalıdır.