Qaçqınların və Məcburi Köçkünlərin Işləri üzrə Dövlət Komitəsinin www.refugees-idps-committee.gov.az rəsmi internet saytının fəaliyyətinin təkmilləşdirilməsi ilə bağlı TÖVSİYƏLƏR

posted by

Azərbaycan Respublikasinin Qaçqinlarin və Məcburi Köçkünlərin Işləri üzrə Dövlət Komitəsinin www.refugees-idps-committee.gov.az rəsmi internet saytının fəaliyyətinin təkmilləşdirilməsi ilə bağlı

TÖVSİYƏLƏR

05 iyul 2007

Azərbaycan Respublikasinin Qaçqinlarin və Məcburi Köçkünlərin Işləri üzrə Dövlət Komitəsi www.refugees-idps-committee.gov.az domen adlı rəsmi internet saytının daha keyfiyyətli və qanunvericiliyin tələblərinə cavab verməsi üçün “İnformasiya Azadlığının İnkişafı” Koalisiyası tərəfindən bəzi tövsiyələr hazırlanıb:

1. Saytın ilk baş səhifəsində yerləşdirilən xəbərlər vaxtaşırı yeniləşməlidir.

2. Saytda göstərilmiş Azərbaycan Respublikasının Qaçqınların və Məcburi Köçkünlərin Işləri üzrə Dövlət Komitəsinin sədrinin və müavinlərinin eləcə də digər rəhbər işçilərin adları, soyadları, təhsil və ixtisasları barədə ətraflı məlumatlar səhifəyə əlavə olunmalıdır.

3. Şikayət, təklif və sorğuların icmalı, informasiya sorğularının tərtib olunması, qəbulu və göndərilməsi qaydaları haqqında statistik məlumatlar yerləşdirilməlidir.

4. Zəruri şərtlərdən biri orqanın ştat cədvəli və boş iş yerlərinin, işə qəbul qaydalarının göstərilməsidir. Ona görə belə məlumatlar saytda öz əksini tapmalıdır.

5. Bundan başqa komitənin öz daxili əmr, sərəncam və qərarların saytda yerləşdirilməlidir.

6. Yaxşı olardı ki, öz sahəsində dövlət sirri təşkil edən məlumatların siyahısı saytda veriləydi.

7. Dövlət tərəfindən ayrılmış dövlət əmlakı, dövlət əmlakının satılması eləcə də onun üzərində əmlak hüquqlarının dəyişməsi barədə məlumatlar verilməlidir.

8. Aparılmış alqı-satqı əməliyyatları və ya satınalmalar haqqında məlumatlar yerləşdirilməlidir.

9. Ayrılan kreditlər və qrantlar, onların şərtləri və istifadəsi haqqında məlumat verilməlidir.

10. Tenderə çıxarılacaq sahələr haqqında məlumat verilməlidir.

11. Komitəyə ayrılmış dövlət büdcəsinin və onun xərci barədə hesabatların verilməsi yaxşı olardı.

12. Mətbuat xidməti və ya ictimaiyyətlə əlaqələr bölməsi və bu xidmətlə əlaqə vasitələri hazırlanıb saytda yerləşdirilməlidir.