“İnformasiya Azadlığının İnkişafı” Koalisiyası tərəfindən dövlət orqanlarının informasiya açıqlığı ezrə Monitorinqinin növbəti mərhələsi davam edir

01.02.2008

“İnformasiya  Azadlığının İnkişafı” Koalisiyasının
Məlumatı

    “İnformasiya  Azadlığının İnkişafı” Koalisiyası tərəfindən dövlət  orqanlarının informasiya  açıqlığı vəziyyətinin öyrənilməsi üzrə Monitorinqin növbəti mərhələsi davam edir.
  
  Monitorinq Koalisiya  tərəfindən  hazırlanan “Dövlət orqanlarının  İnternet  resurslarının Monitorinqinin Metodikası”na uyğun olaraq  gerçəkləşdirilir.    

    Metodika İnformasiya əldə  edilməsi haqqında Qanuna,  Dövlət  orqanlarının və Bələdiyyələrin İnternet resurslarının formalaşdırılması Qaydalarına  və beynəlxalq  təcrübəyə əsaslanaraq  hazırlanıb. Monitorinq zamanı  açıqlanması məcburi olan  informasiyaların İnternet resurslarda yerləşdirilməsinin, dövlət  xidmətlərinin elektron formada göstərilməsinin və internet resursların  çevikliyinin kəmiyyət  və keyfiyyət cəhətdən qiymətləndirilməsi həyata  keçirilir.

    2008-ci ilin may  ayında  başa  çatması nəzərdə tutulan Monitorinqin bu mərhələsində 50-dək  dövlət qurumunun hər  biri üzrə  icmal  və tövsiyələrin hazırlanması, informasiya  açıqlığı üzrə Reytinq  Cədvəlinin və Yekun Hesabatın hazırlanması nəzərdə tutulub. Hazırda Koalisiya tərəfindən 15 dövlət qurumunun rəsmi  internet resursunun monitorinqi  aparılıb. Monitorinqin nəticələri və  müvafiq Tövsiyələr www.informasiya.org   saytında yerləşdirilib  

    “Dövlət orqanlarının internet resurslarının monitorinqi ilə  bağlı  daha  geniş məlumatla  www.informasiya.org  saytında  tanış olmaq olar.

    Monitorinq  Counterpart İnternational təşkilatı  tərəfindən  dəstəklənən “Vətəndaşların informasiya  azadlığının  gerçəkləşməsinə   dəstək” Layihəsi  çərçivəsində keçirilir.
                                                                     
Multimedia Mərkəzi 
Tel: 492 44 44 
www.informasiya.org   
info@informasiya.org