Ekologiya və Təbii Sərvətlər Nazirliyinə məxsus www.eco.gov.az ünvanındakı İnternet resursunun təkmilləşdirilməsi ilə bağlı tövsiyələr

Azərbaycan Respublikası Ekologiya və Təbii Sərvətlər Nazirliyinin www.eco.gov.az domen ünvanlı İnternet saytında, monitoringin nəticələrində də qeyd edildiyi kimi xeyli sayda faydalı informasiya var. Eyni  zamanda vurğulamaq istərdik ki, “İnformasiya əldə etmək haqqında” qanunda nəzərdə tutulan informasiyaların  bəziləri  saytda yerləşdirilməyib. Saytın işinin təkmilləşdirilməsi üçün bəzi tövsiyələrimizin qeyd edilməsinin faydalı olacağına inanırıq.

1. Saytın domen adının həm də Azərbaycan dilli versiyasının, yəni www.eko.gov.az variantının da fəallığı təmin edilsə ingilis dili bilməyən ziyarətçilərə faydası olardı.

2. Saytın yuxarı menyusunda nazirlik haqqında keçiddə struktur altkeçidi olmasa da saytın xəritəsində belə keçid var. Düzdür, orada struktur haqqında bir şey yazılmasa da nazir də daxil olmaqla vəzifəli şəxslərin qısa biografilayaları verilib. Bunun müvafiq surətdə düzəldilməsinə gərək var.

3. Yuxarıda deyiləndən çıxış edərək əlavə struktur səhifəsi açmaq, nazir və digər vəzifəli şəxslər barədə bilfiləri içərən başqa bir keçid əlavə etmək lazımdır.

4. Nazirliyin struktur şəbəkəsinə daxil olan idarə, xidmət və s. vahidlər barədə də əlavə bilglilərin verilməsi qanunun tələblərindən irəli gəlir.

5. Qurumdaxili əmr, sərəncam, qərar və s. barədə də bilgilər gözə dəymir.

6. Nazirliyin ştat cədvəlləri və müvafiq struktur vahidlərinin tərkibi barədə bilgilərin sayta yerləşdirilməsi də tələblər sırasındadır.

7. Əmək haqqı dərəcələri və onların formalaşması üsulları haqqında bilgilər həm nazirlik sisteminin işçiləri, həm də maraqlanan hər bir kəs üçün faydalı ola bilər.

8. Qurumun büdcəsi və onun icra vəziyyəti barədə bilgilərin yoxluğunu aradan qaldırıb bu barədə əlavə səhifələr qurmaq lazımdır.

9. Nazirliyin ərazi struktur vahidləri haqqında da heç bir bilgi verilmir. Halbuki müxtəlif inzibati-ərazi vahidlərindəki idarələr və onlarla əlaqə imkanları barədə bilgi vermək lazımdır.

10. Əlaqə səhifəsində bir sıra telefon nömrələri və e-poçt ünvanları verilsə də bu yetərli sayıla bilməz. O baxımdan nazirliyin yer ünvanı və faks nömrələri haqqında da bilgi vermək lazımdır. Özü də ana səhifədə də birbaşa ümumi əlaqə vasitələrini göstərməklə.

11. Saytda arxiv və axtarış qutusu yaratmaq lazımdır.

12. Başqa dövlət qurumlarının saytlarına keçidləri də tamamlamaq lazımdır.

13. Əlavə olaraq müvafiq beynəlxalq qurumların saytlarına keçid verməyə gərək var.